MENU
ujyaalo forign call inside

समाचार

  • महासचिव छान्न माओवादीमा महाभारत महासचिव छान्न माओवादीमा महाभारत

    काठमाडौं, असार २५ - महासचिव चयन गर्ने विषयमा एकीकृत नेकपा माओवादीमा विवाद भएको छ । पार्टी केन्द्रीय कार्यालय कोटेश्वरमा बसेको पोलिटब्यूरो बैठकमा फरक फरक प्रस्ताव आएपछि विवाद भएको हो । महासचिवका लागि अध्यक्ष पुष्पकमल दाहाल प्रचण्डले कृष्ण बहादुर महरा, बाबुराम भट्टराई पक्षले पोष्ट बहादुर बोगटी र नारायणकाजी श्रेष्ठ पक्षले गिरिराजमणि पोखरेलको नाम प्रस्ताव गरेको स्रोतले जनाएको छ ।

  • हिमालयनलाई यति एयरद्वारा किर्तिमानी २० लाखको प्रायोजन

    काठमाडौं, असार २५ - यति एयरलाइन्सले हिमालयन शेर्पा क्लवलाई किर्तिमानी २० लाख रुपैयाँको प्रायोजन गर्ने भएको छ । हिमालयन सेर्पाका अध्यक्ष कर्मा छिरिङ्ग शेर्पा र यति एयरलाइन्सका उप प्रबन्ध निर्देशक नोर्बु शेर्पाले हस्ताक्षर गर्नुभएको छ । ६ वर्षअघि स्थापना भएको हिमालयन शेर्पा क्लवलाई यति एयरलाईन्सले गत वर्ष १५ लाख रुपैयाँको प्रायोजन गरेको थियो ।

  • पोखराका ट्याक्सीमा मिटर राख्न कडाई

    पोखरा, असार २५ - पोखरामा चल्ने भाडाका मिटर ट्याक्सीमा भाडा समायोजनको कामलाई कडाईका साथ अगाडी बढाईने भएको छ । पटक पटक भाडाका ट्याक्सीलाई मिटर जडान गरेर भाडा समायोजन गर्न आग्रह गरेपनि मिटर जडान नगरेपछि गुणस्तर तथा नापतौल कार्यालय कास्कीले मिटर जडान गरी भाडा समायोजनको कामलाई कडाई गर्न लागेको हो ।

  • प्रधानमन्त्रीलाई रित्तो बोरा र नाम्लो

    नवदीप अजनवी/उज्यालो । नुवाकोट, असार २५ - नेपाली कांगे्रस र नेपाल किसान संघ नुवाकोटले किसानलाई सहज रुपमा रासायनिक मल नदिएको भन्दै सरकारलाई व्याङ्ग्य गर्दै प्रधानमन्त्रीलाई रित्तो बोरा र नाम्लो उपहार पठाएको छ ।  रासायनिक मलको सहज आपूर्तिको माग गर्दे जिल्ला प्रशासन कार्यालय मार्फत  प्रधानमन्त्रीलाई ज्ञापनपत्र बुझाउने क्रममा मल नपाएर किसानहरु रित्तो बोरा लिएर खाली हात घर फर्कनुपरेको भन्दै काँग्रेसले रित्तो बोरा र नाम्लो पनि उपहार पठाएको हो ।

  • आत्महत्या गर्न खोज्दा घाइते

    पर्वत, असार २५ - तल्लो मोदीखोला एक जलबिद्युत आयोजनामा कार्यरत एक जना मजदुर झुण्डिएर आत्महत्या गर्न खोज्दा गम्भीर घाइते भएका छन । रामेछाप जिल्लाको ताच्छली गाबिस वडा नं ४ का १७ बर्षिय किशोर राई आत्महत्या गर्न खोज्दा गम्भीर घाइते भएका हुन । सोमबार दउँसो आयोजनाको निर्माणस्थलमा रहेको मजदुरको आवास क्षेत्रको छाप्रोमा डोरीको पासो लगाएर झुण्डिएका उनलाई तत्कालै श्रीमतीले देखेपछि डोरीबाट निकालेर बचाईएको छ ।

  • श्रम तथा रोजगार सम्मेलन सुरु

    काठमाडौं, असार २५ - श्रम तथा रोजगार सम्मेलन काठमाडौंमा शुरु भएको छ । ‘मर्यादित काम र रोजगारमुखी आर्थिक वृद्धिका लागि सुमधुर श्रम सम्बन्ध प्रवद्र्धन’ भन्ने नाराका साथ शुरु भएको सम्मेलन पर्सि २७ गतेसम्म चल्ने छ ।सम्मेलनको उद्घाटन गर्दै श्रममन्त्री कुमार बेलबासेले बिदेशी लगानीभन्दा स्वदेशी लगानी सुरक्षित गर्नुपर्नेमा जोड दिनुभयो ।

  • वृद्ध दम्पत्तीमाथि आक्रमण

    धादिङ, २५ असार - अपरिचित व्यक्तिहरुको समुहको आक्रमणमा परि  धादिङ जिल्लाको झार्लाङ गाउं विकास समितिका एक दम्पत्ती गम्भीर घाइते भएका छन । जिल्ला सदरमुकाम धादिङबेसीबाट उत्तरी भेगमा पर्ने झार्लाङ गाविसको वडा नम्बर ४ नमदेन का ६५ बर्षिय जंगवहादुर तामाङ र उहाँका श्रीमती ६० बर्षिया कान्छिमाया तामाङलाई आइतवार राती हतियारधारी अज्ञात समुहले सांघातिक हमला गरेर घाइते बनाएको हो ।

  • PM warns to pull out facilities from former king

    KATHMANDU, JULY 9 - Prime Minister Baburam Bhattarai has warned that the government will scrap the facilities provided to Gyanendra Shah in the capacity of former monarch.

  • चुनावमा माओवादी र मधेसी दलबीच तालमेल हुने : मन्त्री यादव

    महोत्तरी, असार २५ - सिंचाई मन्त्री महेन्द्र राय यादवले एकीकृत नेकपा माओवादी र मधेशबादी दलहरुबीच आगामी चुनावमा तालमेल गरेर चुनाव लढ्ने सहमति भएको दावी गर्नुभएको छ । माओवादी र मधेशवादी दुवै परिवर्तनकारी शक्ति भएकाले परिवर्तनलाई संस्थागत गर्न पनि माओवादी र मधेशवादी दलबीच सहकार्य जरुरी रहेको यादवले बताउनुभयो ।

  • विश्वका केही कम्प्युटरमा इन्टरनेट बन्द हुन सक्ने

    असार २५ - ह्याकरहरुले फैलाएको भाइरसलाई हटाउने काम हुने भएका कारण सोमवार केही देशका केही कम्प्युटरमा इन्टरनेट सेवा बन्द हुन सक्ने छ । भाइरस हटाउनका लागि अमेरिकी अनुसन्धान संस्था एफबिआईले सर्वर बन्द गर्ने भएका कारण केही देशका केही कम्प्युटरमा इन्टरनेट नचल्ने भएको हो । एफबिआइले छिटो नै इन्टरनेट सुविधा पुन प्रदान गर्ने आश्वासन इन्टरनेट सुविधा दिने कम्पनीलाई दिएको छ ।

  • लिखित सहमति देखाउन पुर्व राजालाई सिटौलाको चुनौति लिखित सहमति देखाउन पुर्व राजालाई सिटौलाको चुनौति

    काठमाडौं, असार २५ - नेपाली काँग्रेसका महामन्त्री कृष्णप्रसाद सिटौलाले पुर्व राजा ज्ञानेन्द्र शाहको पछिल्लो अभिव्यक्तिको चर्को आलोचना गर्दै सरकारले दिँदै आएको सुविधा खोस्नुपर्ने बताउनुभएको छ । रिपोर्टर्स क्लवले सोमवार गरेको साक्षात्कारमा सिटौलाले पुर्व राजाले नागरिकका रुपमा चुपचाप नबसी राजनीतिक अभिव्यक्ति दिदै हिंड्नुलाई आपत्तीजनक कदम भन्नु भएको छ ।

  • सुनको भाउ बढ्यो

    काठमाडौ, असार २५ – आइतबार तोलामा ४ सय ५० रुपैँयाले घटेको सुनको भाउ २ सय १ रुपैँयाले बढेको छ । सोमबार सुन तोलामा ५६ हजार ४ सय १ रुपैँयामा कारोबार भईरहेको नेपाल सुन चाँदी व्यवसायी संघले जनाएको छ । आइतबार सुनको भाउ ५६ हजार २ सय थियो ।

  • हरियो तरकारी १०० रुपैयाँ किलो !

    एलबी थापा/उज्यालो । प्यूठान, असार २५ – तरकारी ब्यापारीको एकाधिकारले प्युठानमा तरकारीको भाउ आकासिएको छ । तरकारी संकलन केन्द्रबाट किलोको ४० रुपैयाँमा किनेको तरकारी ब्यापारीहरुले  किलोको ८० रुपैयाँमा बेच्दा किसानहरुनै ब्यापारीसंग रुष्ट बनेका छन् ।

  • भक्तपुरमै जान मान्दैनन् डाक्टर

    रमेश गिरी/उज्यालो । भक्तपुर, असार २५ – १०६ वर्ष पुरानो भक्तपुर अस्पतालमा ७ वर्ष देखि डाक्टर नहुदाँ विरामी उपचारमा समस्या भएको छ । सरकारले पठाएका डाक्टर समेत हाजिर हुन नआएपछि अस्पतालमा आएका विरामीलाई अरु अस्पतालमा रिफर गर्नुपरेको अस्पतालले जनाएको छ ।

  • प्रचण्ड पुत्र प्रकाश वेपत्ता प्रचण्ड पुत्र प्रकाश वेपत्ता

    काठमाडौं, असार २५ - एकीकृत नेकपा माओवादीका अध्यक्ष पुष्पकमल दाहाल प्रचण्डका छोरा प्रकाश दाहाल सम्पर्क विहीन भएका छन् । उनी गत २० गतेदेखि घरमा आएका छैनन् । उनले बोक्ने गरेको मोबाइल स्वीच अफ छ । दैनिक रुपमा नै फेसबुक चलाउने उनको आधिकारिक फेसबुक अकाउन्ट पनि डिएक्टिभ गरिएको छ । प्रकाश गएको वुधवारदेखि परिवारको सम्पर्कमा नआएको स्रोतले जनाएको छ । प्रकाश चारदिन अगाडी सगरमाथा जाने टोली र सगरमाथा आरोहणमा सहयोग गर्ने टोलीसँग घुम्न जान्छु भनेर हिंडेको र त्यसपछि कुनै सम्पर्क नभएको प्रचण्डको निजी सचिवालयले ज...

  • कानुनी जटिलता नहटाइ निर्वाचन हुँदैन : आयोग

    काठमाडौ, असार २५ – निर्वाचन आयोगले चार महिना अघि कानुनी जटिलता समाधान नगरेमा संविधानसभाको चुनाव हुन नसक्ने जनाएको छ । कानुनी अड्चन हटेमा निर्वाचन आयोग चुनावका लागि तयार रहेको आयोगका कार्यबाहक प्रमुख निर्वाचन आयुक्त निलकण्ठ उप्रेतीले बताउनुभएको छ ।

  • बाढीमा ज्यान गुमाएकाको सम्झनामा रुसमा शोक दिवश

    असार २५ – रुसमा बाढीका कारण ज्यान गुमाएकाहरुको सम्झनामा सोमबार एक दिन शोक दिवस घोषणा गरिएको छ । दक्षिणी क्रास्नोदर क्षेत्रमा बाढीका कारण १ सय ७० भन्दा धेरैले ज्यान गुमाएका छन् ।

  • बन्दुकधारीको आक्रमणबाट ७ सैनिकको ज्यान गयो

    असार २५ – पाकिस्तानमा बन्धुकधारीको आक्रमणमा परि ७ सैनिक मारिएका छन् । अरु ५ जना घाईते भएका छन् । राजधानी ईस्लामाबादको दक्षिणपूर्वी क्षेत्रमा रहेको वजीराबाद शहरमा रहेको सेनाको एउटा शिविर छेउमा बन्धुधारीले आक्रमण गरेको अन्तराष्ट्रिय सञ्चार माध्यमले जनाएका छन् ।

  • बाँसको भाटाले हान्दा ज्यान गयो

    बर्दिया, असार २५ – बर्दियाको राजापुरमा आइतबार राती बाँसको भाटा प्रहारबाट एक जनाको ज्यान गएको छ । राजापुर ५ तेघरीका राजु बिकले मदिरा खाई बाँसको भाटाले हान्दा आफ्नै काका पर्ने ५७ वर्षिय लालबहादुर बिकको ज्यान गएको हो ।

  • नेपालगन्जमा डेंगुको आशंका

    नेपालगन्ज, असार २५ - नेपालगञ्जको भेरी अञ्चल अस्पतालमा एकजना बालकमा डेंगुको  लक्षण देखिएको छ । यसबर्ष नेपालगञ्जमा पहिलोपटक डेंगुको लक्षण देखिएको हो ।  अस्पतालका बरिष्ठ बालरोग बिशेषज्ञ डा. विनोद खेतानले डेंगुको आशंकामा नेपालगञ्ज सल्यानीबागका १२ वर्षिय वालकलाई सुविधा सम्पन्न अस्पतालमा रेफर गर्नुभएको छ ।

  • हैसियतमा नबसे पूर्व राजाको सुविधा खोसिन्छ :  प्रधानमन्त्री हैसियतमा नबसे पूर्व राजाको सुविधा खोसिन्छ : प्रधानमन्त्री

    काठमाडौ, असार २५ – प्रधानमन्त्री डा. बाबुराम भट्टराईले पूर्व राजा ज्ञानेन्द्र शाहको सुविधा खोस्ने चेतावनी दिनुभएको छ । ग्लोबल आईएमई बैंकले सोमबार बिहान काठमाडौमा गरेको कार्यक्रममा प्रधानमन्त्री भट्टराईले पूर्व राजाले आफ्नो हैसियत बिर्सिएर जथाभावी बाहिर बोल्दै हिंडेको भन्दै असन्तुष्टी जनाउनुभयो ।

  • तीनवटा वित्तिय संस्था एउटै बने

    काठमाडौ, असार २५ – एउटै समुहको लगानी रहेको ग्लोबल बैक, आईएमई फाईनान्स र लर्डबुद्ध फाईनान्स मर्ज भएर बनेको ग्लोबल आईएमई बैक लिमिटेडले सोमबारदेखि औपचारिक रुपमा कारोबार शुरु गरेको छ । काठमाडौको पानीपोखरीमा रहेको बैंकको केन्द्रीय कार्यालयमा सोमबार बिहान भएको कार्यक्रममा प्रधानमन्त्री डा. बाबुराम भट्टराईले बैंकको औचापरिक कारोबार शुभारम्भ गर्नुभयो । कार्यक्रममा प्रधानमन्त्री भट्टराईले अहिले अर्थतन्त्र सकारात्मक दिशामा अघि बढेको बताउनुभयो । सरकार सहमतिमा बजेट ल्याउने तयारीमा रहेको भन्दै प्रधा...

  • धेरै विरामी भएपछि भुइँमै उपचार धेरै विरामी भएपछि भुइँमै उपचार

    श्यामकृष्ण दाहाल/उज्यालो । भोजपुर, असार २५ – विरामी बढेर शैया नपुगेपछि भोजपुर अस्पतालमा भुइँमै राखेर उपचार गर्न थालिएको छ । १५ शैयाको अस्पतालमा स्थानीय स्तरबाटै थप ७ शैया थपेपनि विरामी नअटाएपछि भुइँमै राख्नुपरेको अस्पताल प्रशासनले जनाएको छ । अस्पतालमा हिजोआज दिनमा ३० जना विरामी भर्ना हुने गरेको अस्पतालका प्रमुख डा. नरेन्द्रकुमार झाले जानकारी दिनुभयो ।

  • चारदिनदेखि बिद्यार्थी बेपत्ता

    नेपालगन्ज, असार २५ – बाँकेको बागेश्वरी गाविस ८ इगाउँका १३ बर्षिय करन विक चारदिनदेखि सम्पर्कविहीन भएका छन् । स्थानीय मनकामना नेपाल राष्ट्रिय निम्न माध्यामिक बिदालयमा कक्षा ३ मा अध्ययनरत बिक असार २१ गतेदेखि सम्पर्कमा नआएको परिवारले जनाएको छ ।

  • श्रीलंका र पाकिस्तानवीचको तेश्रो टेष्ट खेल हुँदै

    असार २५ – श्रीलंका र पाकिस्तान बीचको तेस्रो तथा श्रृखलाको अन्तिम टेष्टको दोस्रो दिन, सोमबार विहान शुरु हुँदैछ । आइतबार पहिलो दिन बलर हावी भएपछि पाकिस्तान पहिलो पालिमा २ सय २६ रनमा समेटियो ।

  • अमेरिकामा लू को प्रकोप फैलियो

    असार २५ – अमेरिकामा पछिल्ला केही दिनमा अप्रत्याशित रुपमा लू को प्रकोप फैलँदै गएको अधिकारीहरुले बताएका छन् । अधिकारीहरुका अनुसार लू लागेर अमेरिकामा ४० जना भन्दा बढीको ज्यान गईसकेको छ ।

  • बढ्दैछन् परेवा पाल्नेहरु

    काठमाडौ, असार २५ – कुखुरापछि सबैभन्दा धेरै घरपालुवा पंक्षीको रुपमा रहेको परेवाको संख्या बढ्दै गएको छ । मानिससंग बस्न रुचाउने परेवाले विज्ञान प्रविधि र सूचना तथा संचारका लागि परम्परागत रुपमा मानिसलाई सहयोग गर्दै आएको छ ।

  • मनसुन फेरि कमजोर

    काठमाडौ, असार २५ – दुई दिनसम्म सकृय भएको मनसुन फेरि कमजोर भएको छ । मनसुन सकृय बनाउने वायु भारततिर सरेकाले यस्तो अवस्था आएको मौसमविद् केशवदास श्रेष्ठले जानकारी दिनुभयो । उहाँका अनुसार अझै एक दुई दिन मनसुन कमजोर रहनेछ ।

  • रासायनिक मल सजिलै पाइने

    काठमाडौ, असार २५ – भारतबाट तत्काल ल्याउने भनिएको १२ हजार ५ सय टन यूरिया मलमध्ये ७ हजार ५ सय टन मल नेपाल आएको छ । भारतबाट सहज रुपमा मल आयात भइरहेकाले काठमाडौमा रहेको कृषि सामग्री कम्पनी लिमिटेडले सहकारी मार्फत किसानलाई मल पुर्‍याइरहेको जनाएको छ ।

  • माओवादीको पोलिट्ब्यूरो बैठक बस्दै माओवादीको पोलिट्ब्यूरो बैठक बस्दै

    काठमाडौ, असार २५ – बिस्तारित बैठकको तयारीका लागि एकीकृत नेकपा माओवादीको पोलिटव्यूरो बैठक सोमबार बस्दैछ । दिउँसो तीन बजे पार्टी कार्यालय पेरिसडाँडा कोटेश्वरमा बैठक बस्ने माओवादीले जनाएको छ ।

  • १५ हजारले अवलोकन गरे पुस्तक प्रदर्शनी

    काठमाडौ, असार २५ – काठमाडौको भृकुटीमण्डपमा चलिरहेको पुस्तक प्रदर्शनीमा १५ हजार भन्दा धेरैले अवलोकन गरिसकेका छन् । प्रदर्शनीमा पुस्तक र प्रकाशन हेरेर छुट दिईएको आयोजकमध्ये एक नेपाल राष्ट्रिय पुस्तक बिक्रेता तथा प्रकाशक संघले जनाएको छ ।

  • आजदेखि श्रम तथा रोजगार सम्मेलन

    काठमाडौ, असार २५ – काठमाडौमा सोमबारदेखि श्रम तथा रोजगार सम्मेलन हुँदैछ । ‘मर्यादित काम र रोजगारमुखी आर्थिक वृद्धिका लागि सुमधुर श्रम सम्बन्ध प्रवर्धन’ भन्ने नाराका साथ शुरु हुन लागेको सम्मेलन असार २७ गतेसम्म चल्ने श्रम विभागले जनाएको छ ।

  • म्याग्दीमा चौंरीको रगत पिउने मेला

    म्याग्दी, असार २५ –म्याग्दीको शिख गाविसको पाउद्वारमा रहेको खोप्रालेकमा चौरीको रगत पिउने मेला लागेको छ । बिभिन्न रोग निको हुने भन्दै शनिवारदेखि शुरु भएको मेलामा चौरीको आलो रगत पिउनेहरु भेला भएका छन् ।

  • अभिभावक गुमाएका वालवालिकाको पढाईमा सहयोग अभिभावक गुमाएका वालवालिकाको पढाईमा सहयोग

    धादिङ, असार २५ – काठमाडौको बबरमहल बम विष्फोटनमा अभिभावक गुमाएका वालवालिकालाई काठमाडौको छोरीमाया प्रतिष्ठानले उच्च शिक्षा अध्यननका लागि सहयोग गर्ने भएको छ । गएको फागुन १५ गते बबरमहलको नेपाल आयल निगमको गेट अगाडि भएको वम विस्फोटनमा ज्यान गुमाएका धादिङ बैरेनी गाविस १ का कृष्णवहादुर तामाङकी छोरी कमला, रश्मिता र छोरा दीपेन्द्र तामाङलाई कक्षा १२ सम्मको पढाइ खर्च ब्यहोर्ने प्रतिष्ठानले जनाएको छ ।

  • दलित परिवारका आमा छोरी नै बलात्कृत

    रौतहट, असार २४ - रौतहटको गम्हरिया पर्सा गाउँ विकास समितिमा बसोबास गरिरहेका दलित समुदायका आमाछोरीले आफूहरुमाथि जबरजस्ती करणी भएको भन्दै न्यायका लागि प्रहरीलाई गुहारेका छन् । गम्हरिया १ की एक महिला र उनकी १४ बर्षिया छोरीलाई शुक्रवार राति गाउँकै संजिव पटेल सहितका केही व्यक्तिहरुले घरमा प्रवेश गरी जवरजस्ती गरणी गरेको पीडित परिवारले बताएका छन् ।

  • न्यूनतम पारिश्रमिक नदिने संचार माध्यम विरुद्ध आन्दोलनको चेतावनी

    काठमाडौं, असार २४ - पत्रकार सम्वद्ध विभिन्न संस्थाले श्रमजीवी पत्रकार ऐन कार्यान्वयन गराउन साझा अभियान सहित अघि बढ्ने घोषणा गरेका छन् । न्यूनतम पारिश्रमिक निर्धारण समिति र नेपाल पत्रकार महासंघ उपत्यका समितिले काठमाडौंमा गरेको कार्यक्रममा नेपाल पत्रकार महासंघ, प्रेस चौतारी, प्रेस यूनियन र क्रान्तिकारी पत्रकार संघले न्यूनतम पारिश्रमिक पनि नदिने संचार माध्यम विरुद्ध आन्दोलनमा जाने घोषणा गरेका हुन् ।

  • ८ करोड अनियमिता गरेको अभियोगमा प्रधान पक्राउ

    काठमाडौं, असार २४ - नक्कली कागजात तथा अधिकारको दुरुपयोग गर्दै झण्डै ८ करोड रुपैया अनियमितता गरेको अभियोगमा काठमाडौंको जनरल फाइनान्सका महाप्रवन्धक राजकुमार प्रधानलाई प्रहरीले पक्रेको छ । काठमाडौंको स्युचाटारका प्रधानले आफ्नो अधिकारको दुरुपयोग तथा फाइनान्सको नक्कली चेक र छाप बनाई ७ करोड ८२ लाख ५४ हजार ९ सय ७९ रुपैया ३५ पैसा अनियमितता गरेको अभियोगमा पक्राउ गरिएको केन्द्रिय अनुसन्धान ब्युरो सिआइबीले जानकारी दिएको छ ।

  • एक तृतियांस बजेट आउने निश्चित

    काठमाडौं, असार २४ - अध्यादेश मार्फत पूर्ण आकारको बजेट ल्याउने सरकारको प्रस्तावमा राष्ट्रपति सहमत नभएपछि एक तृतियांस बजेट आउने निश्चित भएको छ । बजेटका विषयमा परामर्श गर्न शनिवार शितल निवास पुगेका अर्थमन्त्री बर्षमान पुनलाई पनि राष्ट्रपतिले एक तृतियांस बजेट ल्याउन सुझाव दिनुभएको थियो । अर्थमन्त्रालयले पनि पूर्ण र एक तृतियांस दुबै बजेटको तयारी गरिरहेको छ ।

  • डिभिजन पुगेका पुर्व लडाकुहरु अलपत्र

    धनगढी, असार २४ - माओवादीको सातौं डिभिजनमा भर्ना छनौटका लागि आएका पुर्व लडाकुहरुले आफुहरुलाई घरबाट बोलाएर अलपत्र पारेको आरोप लगाएका छन । उनीहरुले भर्ना छनौटका लागि घर घरमा खबर गएको र आएपछि स्थगित भएपछि आफुहरु अलपत्र परेको बताएका हुन ।

  • घरमा एउटी हुँदा हुँदै कान्छी भित्र्याउनेलाई १ वर्ष कैद

    जुम्ला, असार २४ - जिल्ला अदालत जुम्लाले शनिगाउ गाविस वडा नम्वर २ गोराका  रामवहादुर शाहीलाई वहु विवाह गरेको ठहर गर्दै १ वर्ष कैद र १० हजार रुपैया जरिवानाको फैसला सुनाएको छ । जिल्ला न्यायधिस महेन्द्रराज गौतमको एकल ईजलासले वहु विवाह गर्ने शाहीलाई यस्तो सजायँ सुनाएको हो ।  गएको वैशाख २५ गते जेठी श्रीमती पानसा शाहीले जिल्ला अदालत जुम्लामा वहुविवाह मुद्दा दर्ता गराउनु भएको थियो ।

Skill Training
पछिल्ला समाचारहरु

मेरो पनि भन्नु छ

  • केपी शर्मा ओलीले नेपालमा अब कसैले पनि मागेर खानुनपर्ने भनेको सुन्दा खुसी लाग्यो तर बोलीले होइन काम गरेर यो कुरा प्रमाणित गर्नुहोस् । यहाँ बोल्ने त धेरै आए तर विदेश गएका युवालाई नेपाल फर्काउन कसैले केही पनि गरेका छैनन् । पहिले काम गर्नुहोस अनि बल्ल भाषण गर्नुहोला ।

    ​सुरज
  • नेपालको सर्वोच्च पद राष्ट्रपती सहित धेरै उच्च पदमा महिला नै छन् । पढेलेखेका महिलाको कमि पनि छैन । तर महिला हेपिने र बलात्कृत हुने घटना भने घटेका छैनन् । होटलमा कार्यक्रम गरेर र सडकमा ¥याली निकाल्दैमा महिलाको सम्मान हुन्न । गाउँ गाउँमा समानता पु¥याउनुपर्छ ।

    ​केशव दाहाल
  • खाडीबाट म नेपाल मै गरिखान्छु भनेर फर्किने दिन कहिले आउला ? चुनाव सकिएपछि त देशमा गरिखाने वातावरण बन्छ भन्थे । हामी यहाँ पसिना बगाइरहेका छौ ।

    ​अनन्त भट्टराई
सबै हेर्नुहोस

सोसल मिडिया