आजदेखि काठमाडौंमा साझाका बिजुली बस गुडे

 कात्तिक ६, २०७५ मंगलबार ११:५६:० | उज्यालो सहकर्मी
unn.prixa.net

काठमाडौं – साझा यातायातले मंगलबारदेखि बिजुलीबाट चल्ने बस सञ्चालनमा ल्याएको छ ।

काठमाडौं उपत्यकामा चल्ने बसको प्रधानमन्त्री केपी शर्मा ओलीले उद्घाटन गर्नुभयो । उद्घाटन कार्यक्रममा उहाँले सन् २०२० सम्ममा कम्तीमा २० प्रतिशत विद्युतीय बस चल्ने बताउनुभयो ।

प्रधानमन्त्री ओलीले विद्युतीय बसको प्रयोगले वातावरण संरक्षणमा टेवा पुग्ने उल्लेख गर्नुभयो । विद्युतीय बस सेवाको उद्घाटनपछि प्रधानमन्त्री ओली त्यही गाडी चढेर ललितपुरको पुल्चोकबाट सिंहदरबार पुग्नुभएको थियो ।

साझा यातायातले चिनियाँ कम्पनी बीवाईडीले निर्माण गरेका पाँचवटा बसबाट यो सेवा शुरु गरेको हो । अहिले दुईवटा बस काठमाडौं आइपुगेको र अरु तीनवटा बस ल्याउने प्रक्रियामा रहेको पनि साझा यातायातले जनाएको छ ।

साझाले विद्युतीय बस काठमाडौंपछि लुम्बिनीमा पनि चलाउने तयारी गरेको छ ।


 

अन्तिम अपडेट: चैत १, २०८०

2 Comments

  • Indira Neupane

    Oct. 23, 2018, 5:19 p.m.

    Dherai ramro kam Nirantar jantale subidha paun hami khushi 6u

  •  0 Reply
  • रमेश कुमार यादव

    Oct. 23, 2018, 1:03 p.m.

    बधाई छ

  •  0 Reply

तपाईको प्रतिक्रिया