नेपालमा पहिलोपल्ट सिरिन्ज उत्पादन शुरु
बैशाख ७, २०८१ शुक्रबार
काठमाडौं – सत्तारुढ नेपाल कम्युनिष्ट पार्टी (नेकपा)ले पार्टीको सांगठनिक एकीकरणको कामबारे आवश्यक निर्णय लिन स्थायी समिति बैठक बोलाउने निर्णय गरेको छ ।
बिहीबार बसेको पार्टी सचिवालय बैठकले सांगठनिक एकीकरण र पार्टी केन्द्रीय सदस्यहरुको कामको बाँडफाँडका लागि आवश्यक निर्णय लिन स्थायी समिति बैठक बोलाउने निर्णय गरेको हो ।
प्रधानमन्त्री निवास बालुवाटारमा बसेको बैठकमा कार्य दलले तयार पारेको संगठन एकीकरण र पार्टी केन्द्रप्य सदस्यको जिम्मेवारी बाँडफाँडसम्बन्धी प्रस्ताव पेस गरिएको थियो । त्यो प्रस्तावलाई अन्तिम रुप दिन शुक्रबार पुनः सचिवालयको बैठक बोलाउने निर्णय पनि गरिएको पार्टीका प्रवक्ता नारायणकाजी श्रेष्ठले जानकारी दिनुभयो ।
महासचिव विष्णु पौडेल र सचिवालय सदस्य रामबहादुर थापा रहेको दुई सदस्यीय कार्य दलले सांगठनिक एकीकरण र पार्टी केन्द्रीय सदस्यहरुको जिम्मेवारी बाँडफाँडका लागि प्रस्ताव तयार पारेको थियो । सोही प्रस्ताव सचिवालय बैठकमा पेस गरिएको हो ।
बैठकमा केन्द्रीय कार्य समितिको बैठक बोलाउन असन्तुष्ट केन्द्रीय सदस्यहरुले गरेको मागका विषयमा पनि छलफल गरिएको थियो ।
२२ जना केन्द्रीय सदस्यहरुले केन्द्रीय कार्य समिति बैठक बोलाउन माग गरेको विषयलाई पनि शुक्रबारको सचिवालय बैठकमा ऐजन्डा बनाएर छलफल गर्ने निर्णय पनि गरिएको प्रवक्ता श्रेष्ठले जानकारी दिनुभयो ।