नेप्से परिसूचक बढ्यो

 जेठ २८, २०७५ | उज्यालो सहकर्मी

काडमाठडौं – पछिल्ला दिनमा लगातार जसो घटिरहेको शेयर बजार परिसूचक नेप्से सोमबार झन्डै १० अंकले बढेको छ ।

कारोबारमा आएका धेरैजसो कम्पनीका शेयरको भाउ उकालो लागेपछि नेप्स ९ दशमलव ५५ अंकले बढेर १२ सय ४१ दशमलव १९ बिन्दूमा पुगेको हो । सोमबार शेयर बजारमा १ सय ७० कम्पनीका ११ लाख ८७ हजार कित्ता शेयर किनबेच भएका छन् ।

यसबाट ४४ करोड रुपैयाँ बराबरको कारोबार भएको छ । सोमबार सबैभन्दा धेरै उन्नती लघुवित्त वित्तीय संस्था र नेपाल हाइड्रो डेभ्लोपर्स लिमिटेडका लगानीकर्ताले झन्डै १० प्रतिशत कमाएका छन् । एभरेष्ट बैंकको अग्राधिकार शेयरको मूल्य ९ प्रतिशत घटेको छ ।

सोमबार सबै भन्दाबढी झन्डै ४ करोड रुपैयाँको नबिल बैंकको संस्थापक शेयर किनबेच भएको छ ।  

तपाईको प्रतिक्रिया