प्रचण्ड नेतृत्वकाे सरकारलाई निरन्तरता दिन एमाले तयार छ : महास...
बैशाख ७, २०८१ शुक्रबार
धादिङ – लैगिक हिंसाविरुद्ध १६ दिने अभियानको पूर्व सन्ध्यामा शनिबार बेलुका धादिङबेसीमा दीप प्रज्वलन गरी अभियानको सुरुवात गरिएको छ ।
जिल्ला समन्वय समितिका प्रमुख जगन्नाथ नेपाल, उपप्रमुख बिन्दाबरामु नेपाली, निमित्त प्रमुख जिल्ला अधिकारी धोलकराज ढकाल, प्रहरी नायब उपरीक्षक श्यामकुमार महतोलगायतले अभियानको दीप प्रज्ज्वलन गरी अभियानको सुरुवात गर्नुभयो ।
महिलामाथि हुने हिंसा अन्त्य गर्न सबै लाग्न र सचेतना अभियानलाई निरन्तर चलाउँदै लैजान आफूहरुसमेत लाग्ने प्रतिवद्धता जिल्ला समन्वय समितिका प्रमुख जगन्नाथ नेपालले गर्नुभयो ।
नीलकण्ठ नगरपालिका, जिल्लामा क्रियाशिल सहयात्री समाज, इन्सेक, महिला मानवअधिकार रक्षकहरुको जिल्ला संजल, प्रयास नेपाल, आईसीडीसीलगायतका संस्थाहरुको आयोजनामा धादिङबेसी पुछारबजारमा दीप प्रज्वलन गरिएको हो ।