शेयर बजारको ओरालो यात्रा रोकिएन, आज साढे १९ अङ्कले घट्यो
बैशाख ६, २०८१ बिहिबार
बझाङ – खप्तड छान्ना गाउँपालिका वडा नम्बर ५ सुतारी गाउँका प्रकाश खत्रीले केरा खेतीबाट नै वार्षिक तीन लाखभन्दा बढी आम्दानी गर्ने गर्नुहुन्छ । गाउँ घरका सबै युवाहरु रोजगारीका लागि भारत गइरहेको बेलामा खत्रीले घरको आँगन वरीपरी नै केरा खेती गरेर वार्षिक ३ लाख रुपैयाँ आम्दानी गर्ने गरेको बताउनुभयो ।
कुनै सिजनमा वार्षिक ६ लाखसम्म पनि केरा खेतीबाट आम्दानी हुने गरेको उहाँको भनाई छ । उहाँले घर वरीपरी नै ५ रोपनी जग्गामा केरा खेती गर्नुभएको छ । केरा खेतीमा उहाँलाई उहाँका तीन भाइसहित छोराछारीले सहयोग गर्दै आइरहेका छन् ।
केरा खेतीले आम्दानी गर्न थालेपछि घरखर्च चलाउन र बालबच्चाको पढाईलेखाईमा सहयोग पुगेको उहाँले बताउनुभयो । कृषि खेतीको लागि योग्य माटो, सिचाँई गर्न पानीको स्रोत पर्याप्त नभएकोले चाहेजति ठाउँमा खेती गर्न नसकेको र उत्पादन पनि हुन नसकेको उहाँले बताउनुभयो ।
तरपनि उहाँले खेती विस्तार गर्ने योजना बनाउनु भएको छ । स्थानीयहरु उहाँको घरमा नै गएर केरा खरिद गर्ने गर्छन् । उहाँले केरा सँगसँगै अब तरकारी खेती पनि गर्ने योजना बनाउनु भएको छ ।