कोहलपुरका वडा अध्यक्ष थारुको निधन

 मंसिर ९, २०७५ आइतबार १४:३०:२६ | उज्यालो सहकर्मी
unn.prixa.net

बाँके – बाँकेको कोहलपुर नगरपालिका वडा नम्बर ६ का वडा अध्यक्ष रामसोहन थारुको आइतबार बिहान निधन भएको छ ।

ब्लडप्रेसर कम भएका ६० वर्षका थारुको हृदयाघातका कारण निधन भएको नेपाली काङ्ग्रेसका क्षेत्रीय सभापति माधवराम खत्रीले जानकारी दिनुभयो । उहाँका श्रीमती, २ छोरा र २ छोरी रहेका छन् ।

थारु नेपाली कांग्रेसको वडा कार्य समितिका सभापति समेत हुनुहुन्छ । यसैबीच थारुको निधन भएपछि कोहलपुरमा आइतबार केन्द्रीय नेताहरुको उपस्थितिमा गर्ने भनिएको आमसभा स्थगित भएको नगर सभापति बलराम शर्माले जानकारी दिनुभयो । आमसभा स्थगित गरी केन्द्रीय नेताहरुको उपस्थितिमा शोकसभा गरिएको छ ।

केन्द्रीय सदस्य डा. शेखर कोइराला र गगन थापाको उपस्थितिमा हुने भनिएको सभा स्थगित गरिएको हो ।

अन्तिम अपडेट: फागुन ३०, २०७५

तपाईको प्रतिक्रिया