सांसद हसिना खानद्वारा शपथ ग्रहण
बैशाख ७, २०८१ शुक्रबार
काठमाडौं – हास्यकलाकारद्वय सीताराम कट्टेल र कुन्जना घिमिरेले निर्माण गर्ने सिनेमाको तयारी अन्तिम चरणमा पुगेको छ ।
सिनेमाका लागि कलाकार छनौटदेखि अन्य कामहरु पनि अन्तिम चरणमा पुगेका कारण मंसिर १४ गते यो सिनेमाको आधिकारिक घोषणा गरिने भएको छ । यो समाचार तयार पार्दासम्म यो सिनेमाको नाम भने फाइनल भइसकेको छैन ।
यसअघि सिनेमाको नाम ‘एन्टिभाइरस’ राखिने चर्चा थियो तर स र ग बाट सिनेमाको नाम राख्दा राम्रो हुने ज्योतिषको सल्लाह भएका कारण अहिलेसम्म सिनेमाको नाम फाइनल हुन सकेको छैन ।
मंसिर १४ गते सीताराम र कुन्जनाको वैवाहिक वर्षँगाँठ पनि परेको छ । आफ्नो वैवाहिक वर्षगाँठको अवसर पारेर सिनेमाको आधिकारिक घोषणा गरिने विशेष स्रोतले जनाएको छ । यो सिनेमामा धुर्मुस र सुन्तली नै मुख्य भूमिकामा रहनेछन् भने अन्य कलाकारको जानकारी १४ गते गराइने छ ।
– उज्यालो र गफगाफ डटकमको सहकार्य