अमेरिकामा दोस्रो पटक सुँगुरको मिर्गाैला जीवित मानिसमा प्रत्या...
बैशाख १३, २०८१ बिहिबार
जाजरकोट – छिन्चु जाजरकोट सडक खण्डको सुर्खेतको सिम्ता गाउँपालिका वडा नम्बर गुनी भीर नजिकै बुधबार दिउँसो मोटर साइकल दुर्घटना हुँदा एकजनाको ज्यान गएको छ ।
दुर्घटनामा जाजरकोटको शिवालय गाउँपालिका वडा नम्बर ९ नाहाडाका महेन्द्रचन्द ठकुरीको ज्यान गएको हो । शिवालयदेखि जामुनेबजारतिर जाँदै गरेको भे ८ प ३४२४ नम्बरको मोटरसाइकल अनियन्त्रित भई दुर्घटना भएको र चालकको घटनास्थलमै ज्यान गएको प्रहरीले जनाएको छ ।
शव लिन गएको ट्रयाक्टर पनि दुर्घटनामा पर्याे
चन्दको मृत्यु भएको खबर पाएपछि आफन्त र गाउँलेहरु ट्रयाक्टर लिएर शव लिन गएका थिए । तर शव लिन गएको ट्रयाक्टर पनि दुर्घटनामा परेको छ । ट्रयाक्टर दुर्घटनामा २१ जना घाइते भएका छन् ।
शव लिन गएको लु १ त ९५७७ नम्बरको ट्रयाक्टर सुर्खेतको सिम्ता गाउँपालिका ४ वालिखोलामा दुर्घटना भएको प्रहरीले जनाएको छ । घाइते सबैलाई उपचारको लागि सुर्खेत लगिएको छ ।