एसीसी प्रिमियर कप क्रिकेटको सेमिफाइनलका खेल आज : नेपालले यू...
बैशाख ७, २०८१ शुक्रबार
डोटी – गएको बिहीबार दुर्घटनामा घाइते भएका दिपायल सिलगढी नगरपालिका–४ पिपल्लाका नवीन विकको उपचारका लागि सुदूरपश्चिम पृतनापति उपरथी झंकरबहादुर कडायतले आर्थिक सहयोग गर्नुभएको छ ।
घाइते बालक नवीनको काठमाडौंको ट्रमा सेन्टरमा उपचार भइरहेको र उपचारमा आर्थिक अभाव भएको समाचार प्रकाशन/प्रशारण भएपछि पृतनापती तथा उपरथी कडायतले उपचारका लागि दशहजार आर्थिक सहयोग दिनुभएको हो ।
पृतनापति उपरथी कडायतले सुदूरपश्चिम पृतना मुख्यालयमा नवीनकी बृद्ध हजुरआमालाई दश हजार रुपयाँ दिनुभएको स्थानीय टेकबहादुर कामीले बताउनुभयो । बस दुर्घटनामा नवीनकी आमा शशी विकको ज्यान गएको छ ।
डडेल्धुराको उग्रतारा मन्दिरमा मेला भरेर फर्किदै गरेको बस दुर्घटना हुँदा १८ जनाले अन्यले ज्यान गुमाएका थिए भने २८ घाइते छन् । घाइते बालक नवीनका बुवा गएको ५ वर्षदेखि घर परिवारबाट सम्पर्कविहीन छन् ।