न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
नुवाकोट – नुवाकोटमा एक महिलाको बलात्कारपछि हत्या प्रयास भएको छ ।
महिलालाई बलात्कारपछि हत्याको प्रयास गरेको आरोपमा प्रहरीले विदुर नगरपालिका–३, पीपलडाँडाका ५० वर्षीय रामशरण नेपालीलाई बुधबार गिरफ्तार गरेको छ ।
मंगलबार साँझ माइतीबाट फर्कँदै गर्दा विदुर नगरपालिका–३, पीपलडाँडाकी ५७ वर्षीया महिलालाई स्थानीय जंगलमा बलात्कार गरी हत्या गर्न भिरबाट खसालेर घाइते बनाएको नेपालीमाथि आरोप छ । घाइते अवस्थामा उद्धार गरिएकी महिलालाई उपचारका लागि काठमाडौं पठाइएको प्रहरीले जनाएको छ ।
घाइते महिलालाई स्थानीयले उद्धार गरी त्रिशूली जिल्ला अस्पतालमा उपचार गर्न ल्याएका थिए । यहाँ प्राथमिक उपचार गरी थप उपचार काठमाडौंको ट्रमा सेन्टरमा भइरहेको प्रहरीले जनाएको छ । आरोपित नेपालीलाई प्रहरीले बलात्कार र हत्या प्रयासमा मुद्धा चलाउन अनुसन्धान थालेको जनाएको छ ।
नुवाकोटका पत्रकार नवदीप अजनबी उज्यालोका जिल्ला सम्वाददाता हुनुहुन्छ ।