आईएमई पेको रिफन्डेबल हवाई टिकटमा प्रयोगकर्ताको सङ्ख्यामा उत्साह...
चैत ६, २०८० मंगलबार
काठमाडौं – देश सञ्चार डट कमकी फोटो पत्रकार वर्षा शाहलाई राष्ट्रपति कार्यालय शीतल निवास बाहिर समाचार संकलनका क्रममा बिहीबार अपराह्न प्रहरीले गिरफ्तार गरेको छ ।
सर्वसाधारणसँग एक–एक रुपैयाँ उठाएर राष्ट्रपतिलाई प्रतीकात्मक रुपमा गाडी पुर्याउन पुगेको समूहको फोटो खिच्दै गर्दा साढे ४ बजे शाहलाई नियन्त्रणमा लिएको थियो । महाराजगञ्ज प्रहरीले झण्डै ३ घण्टा हिरासतमा राखेर उनलाई रिहा गरेको छ । साथै प्रहरीले आफूबाट गल्ती भएको बताउँदै माफीसमेत मागेको छ ।
घटनाको फोटो पत्रकार क्लब, नेपालले घोर भत्सर्ना गरेको छ । प्रेस तथा अभिव्यक्ति स्वतन्त्रता लोकतन्त्रको आधार स्तम्भ भएको बताउँदै क्लबले फोटो पत्रकारलाई तस्बिर खिचेकै कारण गिरफ्तार गर्नु प्रेस स्वतन्त्रता र लोकतन्त्रमाथिको ठाडो प्रहार भएको बताएको छ ।