'एमडीएमएस' खरिदमा भ्रष्टाचार : दूरसञ्चार प्राधिकरणका पूर्वअध्यक्...
चैत १५, २०८० बिहिबार
रुसकी एक महिला सांसदले विश्वकपको समयमा रुसी महिलालाई फुटबलका विदेशी प्रशंसकसँग यौनसम्बन्ध कायम नराख्न आग्रह गरेकी छिन् ।
रुसी संसदको पारिवारिक समितिकी प्रमुख समेत रहेकी सांसद तमारा पलेनेवाले एउटा रेडियोसँग कुरा गर्दै विदेशी प्रशंसकसँग यौनसम्बन्ध राख्ने र मिश्रित प्रजातिका बच्चाको एकल आमा नबन्न आग्रह गरेकी हुन् ।
गोविरिट मोस्कवा रेडियो स्टेसनसँग कुरा गर्दै कम्युनिष्ट पार्टीबाट सांसद बनेकी पलेनेवाले विश्वकप हेर्न आएका विदेशी प्रशसंसग डेट नजान रुसी महिलाहरुलाई अपील गरेकी छिन् । उनले भनेकी छिन्, ‘ रुसले आयोजना गरेको विश्वकपको अर्थ रुसी युवतीहरु कसैसँग भेटेर बच्चा पाउने काम मात्र नहोस्, म आशा गर्छु त्यस्तो हुने छैन ।’
उनले सन् १९८० मा मस्कोमा आयोजित ओलम्पिक खेलसँग तुलना गर्दै त्यतिबेला जस्तो असामान्य सम्बन्धका कारण स्थानीय महिला गर्भवती बन्नु नपरोस् भनेकी छिन् । उनले यस्तो अवस्थामा विदेशी पुरुषले रुसी महिलालाई छोडिदिने र घरबार नै बिग्रिने सम्भावना रहेकोले यस्तो आग्रह गरेको बताएकी छिन् ।