प्रचण्ड नेतृत्वकाे सरकारलाई निरन्तरता दिन एमाले तयार छ : महास...
बैशाख ७, २०८१ शुक्रबार
बझाङ – खोटो संकलन गरी राखेको ठाँउमा भएको आगलागीमा झण्डै १६ लाख बराबरको क्षति भएको छ ।
दिब्या रोजिन एण्ड टर्पाइन कम्पनीले जयपृथ्वी नगरपालीकाको भोपुर बजार नजिकै खोटो संकलन गरी राखेको ठाँउमा एक्कसी आगलागी हुँदा ४६ हजार ७ सय ७४ किलो खोटो जलेर नष्ट भएको प्रहरीले जनाएको छ ।
यो परिमाणको खोटो झण्डै १३ लाख रुपैयाँ बराबरको नोक्सान पुगेको छ । यस्तै आगलागीबाट जयपृथ्वी नगरपालिका वडा नम्बर ११ का लालबहादुर खातीले सञ्चालन गरेको कुखुरा फार्ममा समेत क्षति पुुगेको छ ।
आगोको रापले ३ सय कुखुरा मरेको उहाँले बताउनुभयो । त्यसबाट २ लाख ४० हजार रुपैयाँ बराबर क्षति पुगेको खातीले बताउनुभयो । आगलागीबारे अनुसन्धान भइरहेको प्रहरीले जनाएको छ । आगलागी कसरी भयो भन्नेबारे अनुसन्धान भैरहेको प्रहरीले जनाएको छ ।
अहिले आगो पूर्ण रुपमा निभाइएको प्रहरी नायव उपरीक्षक धितालले बताउनु भएको छ । नेपाल प्रहरी, नपाली सेना, सशत्र प्रहरी र स्थानीयबासिन्दा र दमकलको सहायतबाट आगो निभाइको हो ।