गण्डकी प्रदेश : हरिबहादुर चुमानलाई आर्थिक मामिला र दीपक मना...
बैशाख ८, २०८१ शनिबार
बझाङ – बैतडी जिल्लाको सिगास गाँउपालिका–९, श्रीभावरमा बस्ने गर्ने ६० वर्षीय जसु बोहराको अज्ञात व्यक्तिको कुटाइबाट मृत्यु भएको छ ।
आइतबार राति मुखमा मुकुण्डो लगाएका अज्ञात व्यक्तिले ससुरालाई मारेको र आफ्नो टाउकोमा पनि चोट लागेको मृतककी बुहारी लक्ष्मी बोहराले जानकारी दिएको इलाका प्रहरी कार्यालय पाटनका निरीक्षक गिन्द्र बहादुर बोगटीले जानकारी बताउनुभयो ।
स्थानीय बासिन्दाले राति ९ बजेसम्म मृतक बोहरा श्रीभावरको एउटा पसलमा टेलिभिजन हेरेर बसेका बताएका छन् । घटना राति ९ः३० बजेतिर घटेको बुझिन आएको इन्स्पेटर बोगटीले जानकारी दिनुभयो ।
गहुँबारीमा अज्ञात व्यक्तिको घडी र महिलाका चुरा फेला परेकोले अनुसन्धानका लागि घटनाकी प्रत्यक्षदर्शी मृतककी बुहारी मञ्जु बोहरालाई प्रहरी निगरानीमा राखेको बोगटीले बताउनु भएको छ ।