धनुषामा एक सय ५२ बोरा प्याज र ३२ थान मोबाइल बरामद
बैशाख ६, २०८१ बिहिबार
इलाम – इलाम अस्पतालमा कार्यरत कर्मचारीलाई कुटपिट गरेको आरोपमा मंगलबार दुईजनालाई पक्राउ गरिएको छ ।
माइजोगमाई गाउँपालिका वडा नम्बर ४ नामसालिङ्गका १९ वर्षका संग्राम भनिने सामन लिम्बू र इलाम नगरपालिका ९ का २२ वर्षका राजन राईलाई अस्पतालका कर्मचारी कुटपिट गरेको आरोपमा पक्राउ गरिएको हो ।
उनीहरुले रक्सी खाएर अस्पताल छिरेर कर्मचारीलाई कुटेको पाइएको प्रहरीले जनाएको छ । अस्पतालको इमर्जेन्सी शाखामा कार्यरत हेल्थ असिस्टेन्ट पृथ्वीनारायण ठाकुर, अहेब अशोककुमार शाह र कार्यालय सहयोगी मित्रभक्त पौडेललाई तीनजनाले कुटपिट गरेका थिए ।
रातको समय झण्डै १२ बजेको ड्युटीमा रहेका ठाकुर, शाह र पौडललाई बिना कारण उनीहरुले कुटपिट गरेको प्रहरीले जनाएको छ । सामान्य घाइते भएका तीनैजना उपचारपछि आ–आफ्नो काममा फर्केको अस्पतालले जनाएको छ । तीनै जनालाई मध्य रातमा कुटपिट गरिएको थियो ।