सुर्खेत – सुर्खेतको सिम्ता गाउँपालिकाका विद्यालय हिँडेका तीन बालिका चारदिनदेखि बेपत्ता छन् । सिम्ता गाउँपालिकाको वडा नम्बर ५ आलीमा पर्ने नेपाल राष्ट्रिय माध्यामिक विद्यालय कक्षा ६ मा अध्यनरत बालिकाहरु हराएका हुन ।

गाउँपालिका वडा नम्बर ९ खानिखोलाका १४ वर्षीया निशा सिंह ठकुरी, त्यसै ठाउँका १५ वर्षीया यमुना खत्री, र उनकी बहिनी १२ वर्षकी रीसिमा खत्री हराएका हुन । उनीहरु गएको मंगलबार (पुस १० गते) ‘विद्यालय जान्छौँ’ भनेर घरबाट हिँडेका थिए ।

छोरीहरु बेलुकी घर नआएपछि सोही दिन राति प्रहरी चौकी आलीमा परिवारले खबर गरेका थिए । जिल्ला प्रहरी कार्यालय सुर्खेतका डीएसपी प्रतिबबहादुर श्रेत्रीले बालिकाहरुको खोज कार्य भइरहेको जानकारी दिनुभयो ।

‘अहिलेसम्मको अनुसन्धानमा उनीहरु बुटवलतर्फ गइरहेको भन्ने छ । उनीहरु फूपुको घर बुटवल भएको भन्दै कोहपुरसम्म गाडीमा गएको देखिन्छ’, उहाँले भन्नुभयो, ‘हामीले कोहलपुरसम्म जाने गाडी चालकसँग पनि सोधपुछ गरेका छौँ ।’