गुल्मीको इस्मामा डढेलोमा परेर दुई जना घाइते, १५ वटा घरगोठ जले
बैशाख ८, २०८१ शनिबार
डीबी विष्ट – बझाङ जिल्लामा देखा परेको पीपीआर रोग नियन्त्रणमा आएको छ ।
बाख्रा र भेडाका देखा परेको यो रोग केही समयअघि मात्रै फेला परेको थियो । यस रोगका कारण बझाङ जिल्लामा एक सयभन्दा बढी भेडा बाख्रा मरेको जनाइएको छ । पशुपंक्षी रोग अन्वेशण प्रयोगशाला धनगढीका ल्याब परीक्षण गर्दा पीपीआर रोग पत्ता लागेको हो ।
यो रोग बझाङ जिल्लाको साइपाल गाउँपालिकामा बढी देखा परेको भेटनरी अस्पताल तथा पशुसेवा विज्ञ केन्द्र बझाङका निमित्त कार्यालय प्रमुख बाल्मिकीप्रसाद जोशीले बताउनुभयो । अहिले यो रोग नियन्त्रण्मा आइसकेको उहाँले जानकारी दिनु भएको छ ।
बढी जस्तो यो रोग बझाङ र बैतडीको सिमाना बढी देखा परेका थियो । यो रोगका कारण बैतडीको सिगास गाउँपालिकामा ८६ भन्दा बढी भेडा बाख्रा मरेको भेटनरी अस्पताल तथा पशुसेवा विज्ञ केन्द्र बैतडीका पशु स्वास्थ्य प्राविधिक विसन सिंह विष्टले बताउनुभयो ।
रोग नियन्त्रणका लागि साइपाल गाउँपालिकामा तीन हजार भेडा बाख्रामा भ्याक्सिन लगाइसकिएको छ र अझै भ्याक्सिन लगाउने काम तीव्र्र रुपमा भइरहेको छ । यस्तै खप्तड छान्ना गाउँपालिकामा ६ सय डोज भ्याक्सिन बाख्रा र भेडामा लगाइएको भ्याक्सिन भेटनरी अस्पताल तथा पशुसेवा विज्ञ केन्द्र बझाङका निमित्त कार्यलय प्रमुख वाल्मिकीप्रसाद जोशीले बताउनुभयो ।
यस्तै थलारा गाउँपालिका, केदारस्यूँ र विथ्थडचिर गाउँपालिकामा समेत ६–६ सउडोज भ्याक्सिन लगाई सकिएको र भ्याक्सिन लगाउने काम तीव्र रुपमा भइरहेको उहाँले जानकारी दिनुभएको छ ।