स्याङ्जा – वालिङ नगरपालिका वडा नम्बर–५, मा रहेको पित्लेक देउराली सामुदायिक होमस्टे उत्कृष्ट हुँदै सम्मानित भएको छ । 

नेपालकै पहिलो सिरुबारी होमस्टेका संस्थापक क्याप्टेन रुद्रमान गुरुङको स्मृतिमा स्थापना गरिएको पुरस्कारबाट पित्लेक देउराली सामुदायिक होमस्टे सम्मानित भएको हो ।

पर्यटन विकास समिति सिरुबारीले स्याङ्जामा सञ्चालित होमस्टेमध्ये पित्लेक देउराली सामुदायिक होमस्टेलाई उत्कृष्ट छनौटगरी २५ हजार रुपैयाँ नगदसहित सम्मानपत्रले पुस्कृत गरिएको समितिका अध्यक्ष जुम गुरुङले जानकारी दिनुभयो ।

कार्यक्रममा पर्यटन विकास समितिका स्याङ्जाका पूर्व उपाध्यक्ष अनन्तकुमार श्रेष्ठले नेपालको आयातलाई प्रतिस्थापन गर्ने बलियो माध्यमका रुपमा रहेको पर्यटन विकासलाई प्रवर्दन र सम्वर्द्धन गर्न जरुरी रहेको बताउनुभयो । कार्यक्रममा पित्लेक होमस्टेका अध्यक्ष महेश गुरुङले आफूहरु होमस्टेलाई अझै प्रभावकारी वनाउन लागि परेको जानकारी दिनुभयो ।

ग्रामीण पर्यटनका पिताका रुपमा परिचित स्वर्गीय रुद्रमान गुरुङको नाममा स्थापित यो पुरस्कार बर्सेनि जिल्लाका एक उत्कृष्ट होमस्टेलाई प्रदान गरिने जनाइएको छ ।