डिफेन्डिङ च्याम्पियन जर्मनीलाई मेक्सिकोले हरायो, विश्वकपको पहिलो खेलमा ३६ वर्षपछि पहिलो हार

असार ३, २०७५ आइतबार २२:५७:४६ | एजेन्सी

विश्वकप फुटबल २०१८ को दाबेदार मानिएको जर्मनी मेक्सिकोसँग एक—शून्यले पराजित भएको छ ।

समूह एफ अन्तरगतको पहिलो खेलमा डिफेन्डिङ च्याम्पियन जर्मनीलाई मेक्सिकोले स्तब्ध पारेको छ । मेक्सिकोका लागि हिर्विङ लोजानोले ३५ औँ मिनेटमा गोल गरे । विश्वकपमा प्रतियोगितामा मेक्सिकोले जर्मनीलाई पहिलो पटक हराउँदै इतिहास रचेको छ ।

जर्मनी सन् १९८२ यता विश्वकपको पहिलो खेलमा पहिलो पल्ट हारेको छ । जर्मनीले थुप्रै पटक गोल गर्ने अवसर पाए पनि त्यसलाई सदुपयोग गर्न सकेन ।

समूह एफमा दक्षिण कोरिया र स्वीडेनका साथै मेक्सिको र जर्मनी रहेका छन् ।

अन्तिम अपडेट: बैशाख १२, २०८१

डिफेन्डिङ च्याम्पियन जर्मनीलाई मेक्सिकोले हरायो, विश्वकपको पहिलो खेलमा ३६ वर्षपछि पहिलो हार

तपाईको प्रतिक्रिया