न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
नुवाकोट – नुवाकोटको तारुकामा मनाइँदै आएको गोरु जुधाउने पर्वमा यसवर्ष ४७ हल गोरु जुधाइँने भएको छ ।
रसुवा नुवाकोट पर्यटन समाजले शनिबार काठमाडौंमा गरेको पत्रकार सम्मेलनमा नुवाकोटमा यसवर्ष ४७ हल गोरु जुधाउने बताएको हो । नुवकोटको तारुकामा २३, बेत्रावतीमा ८ , घले गाउँमा १६ तथा धादिङको धुवाकोटमा १८ हल गोरु जुधाउनका लागि दर्ता भएको समाजले जानकारी दिएको छ ।
नुवाकोटको बेत्रावती, र तारुकामा मात्रै मनाइँदै आएको यो पर्व यसै वर्षदेखि घले गाउँ र धादिङको नीलकण्ठ नगरपालिकास्थित धुवाँकोटमा पनि गोरु जुधाइने पर्यटन समाजका अध्यक्ष बलराम न्यौपानेले जानकारी दिनुभयो ।
गोरु जुधाइसँगै स्थानीय कला संस्कृति झल्कने झाँकी, राष्ट्रिय कलाकारद्वारा सांस्कृतिक कार्यक्रम, स्थानीय लोक भजनलगायतका कार्यक्रम पनि यसै वर्षदेखि थप गरिएको आयोजकले जनाएको छ ।
तारुकामा पछिल्लो १२ वर्षदेखि मेला व्यवस्थापन गरी एकै स्थानमा गोरु जुधाइँदै आएको छ । प्रतियोगितामा सामेल भएका गोरु शारीरिक रुपमा अशक्त भएमा वा सिङमात्रै भाँचिएमा पनि बीमाको व्यवस्था तथा विजेता÷उपविजेतालाई पुरस्कारको पनि व्यवस्था गरिएको छ ।