लाेकेश बमले शतक बनाए पनि नेपालकाे 'ए' टाेली आयरल्यान्ड–उल्भ्स...
चैत १६, २०८० शुक्रबार
नुवाकोट – नुवाकोटमा माघे संक्रान्तिका अवसरका गोरु जुधाउने परम्परा फैलँदै गएको छ ।
पहिले तारुकामा मात्र गोरु जुधाइने गरेकोमा अहिले अन्य चार ठाउँमा पनि भव्यताका साथ गोरु जुधाउन थालिएको छ । लिखुको कट्टिछाप र शिवपुरीको शेराबगर पनि यो वर्षदेखि गोरु जुधाइने स्थानको सूचीमा थपिएको छ ।
तारुका, बेत्रावती, घलेगाउँ, कट्टिछाप र शेराबगरमा गरी यो वर्ष ४५ हल गोरु जुधाइएको छ । सबैतिर गरेर ५३ हल गोरु जुधाइने भने पनि किसानहरुले आफ्ना गोरु विभिन्न कारण देखाएर नल्याएकोले ८ हल कम भएको हो ।
जिल्लाका विभिन्न स्थानमा पहिले–पहिले गोरु जुधाउने गरिएकोमा नुवाकोटको तारुकाले व्यवस्थित रुपमा २०६२ सालबाट गाउँभरीका जुरे बहर गोरुहरु एकै थलोमा जुधाउने चलनको सुरु गर्यो । यहाँको गोरु जुधाइ हेर्न हजारौँ दर्शक ओइरिएको देखेपछि जिल्लाका अन्य भागमा पनि गोरु जुधाउने परम्परालाई ब्युँताउने काम भएको छ ।
सबैभन्दा धेरै तारकेश्वर–३, तारुकामा २२ हल गोरु जुधाइएको छ ।
यस्तै, २०६७ सालबाट सुरु भएको बेत्रावतीमा यो वर्ष ८ हल गोरु जुधाइएको छ । यस्तै २०७१ सालबाट सुरु भएको पञ्चकन्या गाउँपालिकाको घलेभञ्ज्याङमा यो वर्ष ८ हल गोरु जुधाइएको छ । यस्तै, यही वर्षबाट गोरु जुधाउन थलिएको लिखु– ३, कट्टिछापमा ३ हल गोरु र शिवपुरी गाउँपालिकाको शेरा बगरमा ४ हल गोरु जुधाइएको छ ।
हेर्नुहोस् नुवाकोटको तारुका र बेत्रावतीको गोरु जुधाइका तस्बिरहरु
नुवाकोटका पत्रकार नवदीप अजनबी उज्यालोका जिल्ला सम्वाददाता हुनुहुन्छ ।