नर्सरी चोकमा बस र टिप्पर ठोक्किँदा १७ जना घाइते, चार जनाको अवस्था गम्भीर

 माघ ३, २०७५ बिहिबार १६:११:४३ | नवीन गुरुङ
unn.prixa.net

प्रतिकात्मक तस्बिर

संखुवासभा – संखुवासभाको धर्मदेवी नगरपालिका–५, को नर्सरी चोकमा बस र टिप्पर एकआपससमा ठोक्किँदा १७ जना घाइते भएका छन । घाइतेमध्ये चारजनाको अवस्था गम्भीर रहेको छ ।

बिहीबार दिउँसो १२ बजेतिर मुडेबाट चैनपुर जाँदै गरेको बा २ क ८५१५ नम्बरका टिप्परले नुनढाकीदेखि धरान जाँदै गरेको १ ख २१६१ नम्बरको बसलाई ठक्कर दिँदा १७ जना घाइते भएका थिए ।

जिल्ला प्रहरी कार्यालय संखुवासभाका प्रहरी निरिक्षक रामजी कटुवालका अनुसार चैनपुर नपा–२ का १८ वर्षीय सन्तोष गौतम, त्यसै वडाका १० वर्षीय सविना खाती, चैनपुर नपा–५ का ५० वर्षीय मेनुका थापा र झापा बुद्धशान्ति गापा ४ का ८२ वर्षीय खड्ग लिम्बू गम्भीर घाइते भएका छन ।

गम्भीर घाइतेलाई धरानस्थित बीपी स्वास्थ्य विज्ञान प्रतिष्ठान लगिएको र उपचार भइरहेको जनाएको छ । 

अन्तिम अपडेट: फागुन ४, २०७५

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ । 

तपाईको प्रतिक्रिया