सुनको सिक्री लुट्ने दुईजना पक्राउ

 माघ ३, २०७५ बिहिबार १८:४६:५१ | हेमराज शर्मा
unn.prixa.net

दाङ – प्रहरीले सुनको सिक्री लुट्ने दुईजनालाई पक्राउ गरेको छ ।

गएको माघ १ गते घोराही उप–महानगरपालिका वडा नम्बर–१३, बाह्रकुने दहस्थित ५१ वर्षीया पञ्चमाया बुढाले घाँटीमा लगाएको ३.५ तोलाको सुनको सिक्री लुट्ने बीरगञ्ज महानगरपालिका वडा नम्बर ३२ बस्ने २१ वर्षीय मुकेश यादव र १६ वर्षीय प्रदीप यादवलाई पक्राउ गरेको जिल्ला प्रहरी कार्यालय दाङले जनाएको छ ।

पक्राउ परेका दुवैलाई मुलुकी अपराध संहिता ऐन २०७४ को परिच्छेद २० को दफा २४६ बमोजिमको बगलीमारी गर्ने कसुरमा आवश्यक कारबाही अगाडि जिल्ला प्रहरी कार्यालय दाङका प्रहरी प्रमुख बेलबहादुर पाण्डेयले बताउनुभयो ।
 

अन्तिम अपडेट: असार ३०, २०७६

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।  

तपाईको प्रतिक्रिया