कांग्रेस सांसद गुरुङको निलम्बन फुकुवा
बैशाख १२, २०८१ बुधबार
बलिउडमा यति बेला मलाइका अरोडा र अर्जुन कपूर उनीहरुको प्रेम सम्बन्धका कारण चर्चामा छन् । यो जोडी कहिले कुनै पार्टी, कहिले डिनर त कहिले बाहिर घुम्न जाँदा एकअर्काका साथ समय बिताइरहेका तस्बिरहरु मिडिया तथा सामाजिक संजालमा छाइरहेका हुन्छन् ।
तर यसैबीच मलाइका अरोडालाई भने उनका मुकेश नामका ड्राइभरले आफ्ना व्यक्तिगत कुराहरु बाहिर भन्ने गरेको शंका गरेकी छिन् । तसर्थ मलाइकाले ती ड्राइभर विरुद्ध ठूलो निर्णय लिएकी छिन् ।
भारतीय सञ्चार माध्यममा मलाइका र अर्जुन कपूरबीचको सम्बन्धलाई लिएर अनेकौं खबरहरु आइरहेका छन् । आफ्ना व्यक्तिहरु कुराहरु यसरी बाहिर सार्वजनिक गर्ने अरु कोही नभएर आफ्नै ड्राइभर रहेको कुरा थाहा पाएपछि मलाइका रिसले आगो भएकी छिन । मलाइकाले रिसको झोकमा ती ड्राइभरलाई जागिरबाटै निकालि दिएकी छिन् ।
अरबाज खानका साथ सम्बन्धबिच्छेद हुनुअघि देखि नै ती मुकेश नामका ड्राइभर मलाइकाको गाडी चलाउने गर्थे । अरबाज खानले मलाइका र आफ्ना लागि एकै पटक बब्लु र मुकेश नामका दुईजना ड्राइभर नियूक्त गरेका थिए । बब्लु र मुकेश दाजुभाइ हुन् ।
अरबाजसँगको सम्बन्ध बिच्छेदपछि पनि मलाइकाले मुकेशलाई नै ड्राइभर राखेकी थिइन् भने बब्लुले अरबाज खानको गाडी चलाउने गर्छन् ।
अहिले मलाइकाको गाडी चलाइरहेका मुकेशले मलाइकाको व्यक्तिगत कुरा उनका भाइ बब्लुलाई भन्ने गर्थे भने बब्लुले त्यो कुरा अरबाज खानसम्म पुर्याइरहेका थिए । यो थाहा पाएपछि मलाइका अरोडाले ती ड्राइभरलाई जागिरबाट निकालि दिएकी छिन् ।