रास्वपाले बुझायाे स्वास्थ्यमन्त्रीलाई २६ बुँदे सुझाव पत्र
चैत १५, २०८० बिहिबार
भारतीय अन्तरिक्ष यात्री राकेश शर्माको जीवनमा आधारित बायोपिक ‘सारे जहाँ से अच्छा’ पछिल्लो समयमा यस फिल्मको अभिनेताका कारण चर्चामा रहँदै आएको छ ।
यस फिल्मको मुख्य अभिनेताको रुपमा अभिनेता आमिर खानको नाम अगाडि आएको थियो । तर त्यसपछि आमिर खानले नभइ अभिनेता शाहरुख खान यस फिल्मको मुख्य अभिनेता रहेको खबर सार्वजनिक भयो ।
तर अब भने यस फिल्मबाट आमिर खान र शाहरुख खान दुवैजना बाहिरिसकेका छन् ।
शाहरुख खान स्वयंले यस फिल्ममा काम नगर्ने घोषणा गरिसकेका छन् । अहिले सार्वजनिक खबरहरुका अनुसार यस फिल्ममा अभनेता सुशान्त सिह राजपुतले मुख्य अभिनेताको भूमिका निर्वाह गर्न सक्नेछन् ।
फिल्म ‘सारे जहाँ से अच्छा’ का निर्माताहरुले सुशान्तलाई अप्रोच गरिरहेका छन् । यस अघि सुशान्त सिंह राजपुतले फिल्म ‘चन्दा मामा दूर के’ गर्ने खबरहरु सार्वजनिक भएका थिए । तर उक्त फिल्मको काम आन्तरिक कारणले गर्दा अगाडि बढ्न सकेन ।
तसर्थ सुशान्त सिंह राजपुत त्यही किसिमको फिल्मको खोजीमा थिए ।
अहिले फिल्म ‘सारे जहाँ से अच्छा’ का निर्माताहरु र सुशान्त सिंह राजपुतबीच यस फिल्मको विषयमा कुराकानी भइरहेको छ । छिट्टै नै यस फिल्मका निर्माताहरुले यस विषयमा आधिकारक घोषणा गर्नेछन् ।
यस फिल्मकी अभिनेत्रीको पनि अहिलेसम्म टुंगो लागिसकेको छैन । फिल्मका लागि अभिनेत्री करीना कपूर खान र भूमि पेडनेकरको नाम चर्चामा रहेको छ ।
तर अहिले आधिकारिक जानकारी भने सर्र्वजनिक गरिएको छैन ।