दाङमा आगलागी हुँदा एक जनाको ज्यान गयो
बैशाख ७, २०८१ शुक्रबार
सर्लाही – शुक्रबार साँझदेखि परेको लगातारको वर्षाले सर्लाहीमा ४ करोडभन्दा बढीको काँचो इँटा गलेर नष्ट भएको छ ।
जिल्लामा अहिले ८० वटा इँटा उद्याेग सञ्चालनमा रहेको सर्लाही इट्टा व्यवसायी संघका अध्यक्ष मैथुर चौधरीले जानकारी दिनुभयो । एक महिनादेखि पकाउन ठिक्क पारेको इँटा वर्षाको पानीले गलेपछि त्यहाँबाट हटाउन समेत झन्झट हुने अध्यक्ष चौधरी बताउनुभयो।
भट्टामा पोल्न तयारी अवस्थामा राखेको इँटा पानीले नष्ट पारेपछि इँटा व्यवसायीले ठूलो क्षति ब्यहोर्नुपरेको अम्बर इँटा उद्याेगका सञ्चालक नाग्रेन्द्र दाशले बताउनुभयो।
पोल्नको लागि तयारी इँटा पानीले गलाउँदा प्रत्येक इँटा भट्टा उद्याेगले करिब २५ लाखसम्मको नोक्सानी बेहोर्नु परेको उहाँले गुनासो गर्नुभयो । एउटा इँटा तयार पार्न कम्तीमा तीन रुपैयाँ लाग्ने उद्याेगीहरुको भनाइ छ । बैंक तथा वित्तीय संस्थाहरुबाट महँगो ब्याज दरमा ऋण लिएर उद्योग व्यवसाय सञ्चालन गरेका उद्योगी व्यवसायीलाई बेमौसमी वर्षाले ठूलो आर्थिक क्षति पुर्याएको उनीहरुकाे गुनासो छ ।
त्यसैगरी शनिबार बिहान पानीसँगै परेको असिनाले तेलहन, दलहन र तरकारी बालीमासमेत क्षति पुर्याएको छ । दलहनदेखि तोरी खेति पनि असिनाले नष्ट पारेको हरिपुर -१ का किसान गोपाल बस्नेतले गुनासो गर्नुभयाे । बेमाैसमे लगातार परेकाे झरीले देशभरका इँटा उद्याेगमा नाेक्सान पुर्याएकाे छ ।
रामबाबु खड्का सर्लाहीका उज्यालो सहकर्मी हुन् ।