प्रचण्ड नेतृत्वकाे सरकारलाई निरन्तरता दिन एमाले तयार छ : महास...
बैशाख ७, २०८१ शुक्रबार
कास्की – पोखरामा सोमबार राति १४ वर्षीय सचिन सिंजालीको हत्या गर्ने एक जना पक्राउ परेका छन् ।
हत्या अभियोगमा उनकै साथी पर्वत घर भई पोखरा बस्ने २१ वर्षीय बेनी काले भनिने कुमार गर्बुजालाई कास्की प्रहरीले मंगलबार पक्रेको हो ।
पाल्पा स्थायी घर भई पोखरामा आमासँग बस्दै आएका सचिन सिंजालीको सोमबार राति घाँटीमा धारिलो हतियार प्रयोग गरी हत्या गरिएको अवस्थामा शव फेला परेको थियो ।
घटनामा संलग्न भएको आशङ्कामा दुईजनालाई नियन्त्रणमा लिई अनुसन्धान थालिएको थियो । प्रहरीले सीसीटीभी क्यामेराको सहायताले केही घण्टामै हत्यारा पत्ता लगाएको हो । सचिनको शव पोष्टमर्टमका लागि पोखरा स्वास्थ्य विज्ञान प्रतिष्ठानमा राखिएको वडा प्रहरी कार्यालय बैदामका प्रहरी नायव उपरीक्षक नवीन कार्कीले जानकारी दिनुभयो ।
एक जना युवतीको विषयमा विवाद हुँदा सचिनले कुमारलाई चक्कूले खुट्टामा प्रहार गरेको र त्यसपछि कुमारले सचिनको चक्कू खोसेर घाँटी रेटी हत्या गरेको जानकारी कास्की प्रहरीले दिएको छ । दुवै जनाले मादकपदार्थ सेवन गरेको पनि प्रहरीले जनाएको छ ।
कास्की प्रहरीले अभियुक्त कुमार गर्वुजालाई कर्तव्य ज्यान मुद्धामा म्याद थप गरी अनुसन्धान गरिने जानकारी दिएको छ ।
कास्कीका उज्यालो सहकर्मी सुमन गुरुङ रेडियाे तरङ्गमा पनि काम गर्नुहुन्छ ।