अमेरिकामा दोस्रो पटक सुँगुरको मिर्गाैला जीवित मानिसमा प्रत्या...
बैशाख १३, २०८१ बिहिबार
काठमाण्डाै - चीनको फुटबल संघका अध्यक्ष चाई झिन्हुआ नेपाल आइपुगेका छन् ।
नेपालको २ दिने भ्रमणका लागि काठमाण्डाै आएका झिन्हुआ र अखिल नेपाल फुटबल संघ एन्फाका बीचमा महत्वपूर्ण सम्झदारी भएको छ । चिनियाँ खेलकुद मन्त्रालयका सहमन्त्रीसमेत रहेका झिन्हुआले फुटबलका क्षेत्रमा हुनसक्ने सहकार्यका विषयमा एन्फासँग औपचारिक सम्झौतासमेत गरेका हुन् ।
जस अनुसार चीनले नेपाली फुटबलको विकासमा सहयोग गर्नेछ । बिहीबार नै चिनिया फुटबल संघका अध्यक्ष झिन्हुआ र अखिल नेपाल फुटबल संघ एन्फाका अध्यक्ष कर्माछिरिङ शेर्पाले चार वर्षका लागि सम्झौता पत्रमा हस्ताक्षर गरेका छन् ।
सम्झौता अनुसार नेपाली फुटबलका लागि आवश्यक पर्ने पूर्वाधार निर्माण मुख्य विषय रहेको जनाइएको छ ।
सम्झौतापछि आयोजित समारोहमा एन्फा अध्यक्ष शेर्पाले नेपाली फुटबलको विकासमा योगदान गर्ने चीनको सहमतिकाे प्रशंसा गर्नुभयाे भने चीनका अध्यक्ष झिन्हुआले नेपाल र चीनको फुटबल बिकासमा आधार तयार भएको बताउनुभयाे ।