कांग्रेस सांसद गुरुङको निलम्बन फुकुवा
बैशाख १२, २०८१ बुधबार
काठमाण्डाै - नेकपाका नेता तथा पूर्वउपप्रधानमन्त्री भरमोहन अधिकारीलाई श्रद्धाञ्जली दिन नेपाल कम्युनिष्ट पार्टीका नेता कार्यकर्ता मात्र होइन अरु सबै दलका नेता कार्यकर्ता धुम्बाराही पुगे ।
श्रद्धाञ्जली दिन जानेहरुमध्ये एकजना हुनहुनुहुन्थ्यो मोहन बैद्य किरण । धेरै राजनितिक आरोह अवरोह पार गरेका देशभक्त जनगणतान्त्रिक मोर्चाका अध्यक्ष किरण अहिले विरामी भएर थलिनुभएको छ । उहाँ धेरै बाहिरी कार्यक्रममा देखिनुहुन्न ।
तर आइतबार भने उहाँको मनले मानेन र सुरक्षा गार्डकै हात समातेर भएपनि स्वर्गिय भरतमोहन अधिकारीलाई श्रद्धाञ्जली दिन नेकपाको केन्द्रीय कार्यालय धुम्बाराही पुग्नुभयो ।
निकै गलेको शरीर लिएर धुम्बाराही पुगेका मोहन बैद्य धेरै बोल्न सक्ने अवस्थामा हुनुहुन्नथ्यो । तर पनि उहाँले भरतमोहनको बारेमा केही कुरा उज्यालो अनलाइनसँग भन्नुभयो ।
स्वर्गीय भरतमोहन अधिकारीको बारेमा मोहन बैद्य किरणले व्यक्त गरेको विचार –
– स्वर्गीय भरतमोहन अधिकारी नेपाली कम्युनिष्ट आन्दोलनको एक बलियो खम्बा हुनुहुन्थ्यो । उहाँ नेपालको कम्युनिष्ट आन्दोलनलाई हाँक्ने धेरै पुरानो नेतामध्येको एक पनि हो ।
उहाँसँग भएको राजनितिक साइनो त छँदैछ, उहाँ मेरो अत्यन्त नजिकको साथी पनि हुनुहुुन्थ्यो । पहिले हामी एउटै पार्टीमा थियौं, पछि पार्टी फरक भयो, तर पार्टी फरक भए पनि हामीबीचको मित्रता निकै राम्रो थियो ।
उहाँले कयौं पटक मलाई धेरै सल्लाह सुझाव दिनुभएको थियो । विमति भएका कुरामा उहाँ खुलेर बोल्नुहुन्थ्यो । उहाँलाई मैले चिनेदेखि नै निकै सरल आदर्शवान व्यक्तिको रुपमा लिने गरेको छु ।
उहाँको स्वभाव सरल र सहज थियो । उहाँको निधनले कम्युनिष्ट र जनवादी आन्दोलनमा ठुलो क्षति पुगेको छ । खासगरी राजनितिक अर्थशास्त्रको क्षेत्रमा उहाँको दख्खललाई पनि नेपालले गुमाएको छ । अब उहाँजस्तो सरल र बुद्धिमानी व्यक्ति पाउन धेरै गाह्रो पर्छ ।
उज्यालोमा कार्यरत अर्जुन पोख्रेल आर्थिक विषयमा कलम चलाउनु हुन्छ।