रुपन्देही – रुपन्देहीको सम्मरीमाई गाउँपालिका प्रमुख जीतेन्द्रनाथ शुक्ला ( बब्लु ) र प्रदेश सभा सदस्य उम्मेदवार पल्लवी शुक्लाले पार्टी परित्याग गर्नुभएको छ ।

आइतबार आफ्नै निवास मर्चवारमा पत्रकार सम्मेलनको आयोजना गर्दै प्रमुख शुक्ला र उहाँकी श्रीमतीसमेत रहनु भएकी प्रदेश सभा सदस्य उम्मेद्वार पल्लवी शुक्लाले नेपाल कम्युनिष्ट पार्टी नेकपा छोडेको घोषणा गर्नुभएको हो ।

सयौंको संख्यामा रहेका आफ्ना कार्यकर्ता र समर्थकसहित पार्टी छोडेको बताएका शुक्लाले नेकपाको मर्चवारलाई हेर्ने दृष्टिकोण ठिक नभएको र पार्टीबाटै उपेक्षित हुनुपरेकाले नेकपा छोडेको बताउनुभयो ।

स्थानीय चुनावमा बिजयकुमार गच्छेदारले नेतृत्व गरेको फोरम लोकतान्त्रिकबाट चुनाव जित्नुभएका शुक्ला प्रदेश सभाको चुनाव अगाडि तत्कालीन एमालेमा प्रवेश गर्नुभएको थियो ।