लगानी सम्मेलनमा जुट्न प्रधानमन्त्री ओलीको निर्देशन

 चैत ८, २०७५ शुक्रबार १९:५८:२२ | उज्यालो सहकर्मी
unn.prixa.net

काठमाण्डौ – प्रधानमन्त्री केपी शर्मा ओलीले चैत १५ र १६ गते हुने लगानी सम्मेलनको तयारी जुट्न सरोकारवालालाई आग्रह गर्नुभएको छ ।

आज बसेको उद्योग वाणिज्य प्रवर्द्धन परिषदको दोस्रो बैठकलाई सिंहदरबारमा सम्बोधन गर्दै प्रधानमन्त्री ओलीले यस्तो आग्रह गर्नुभएको हो । 

प्रधानमन्त्री ओलीले विदेशबाट आउने अतिथिहरुलाई व्यवस्थित बास, सुरक्षा र अन्य प्रबन्ध मिलाउन निर्देशन दिनुभएको छ । परिषदका तर्फबाट सुरज वैद्यले सम्मेलनको तयारीको बारेमा बैठकलाई जानकारी गराउनुभएको थियो ।

प्रधानमन्त्री ओलीले केही तत्वहरुले देशमा अस्थिरता मच्चाउन प्रयास गरेको भए पनि सरकारले त्यसलाई नियन्त्रण गर्ने बताउनुभएको छ । ‘गणतन्त्र आएको छ, संघीयता आएको छ, आवधिक चुनाव भएको छ’, प्रधानमन्त्री ओलीले भन्नुभयो, ‘अब के चाहिएको हो ? चन्दा संकलन र लुटपाट गर्न छोडिदिनु पर्ने ? त्यस्तो हुँदैन । सरकारले यस्ता गतिविधि नियन्त्रण गर्न कानुनअनुसार अघि बढ्छ ।’

अन्तिम अपडेट: बैशाख २, २०७६

तपाईको प्रतिक्रिया