‘जलवायु परिवर्तनले हिमाली क्षेत्रका समुदायमा गम्भीर असर’
चैत १६, २०८० शुक्रबार
बारा – आइतबार साँझ आएको भुमरीसहितको हावाहुरीले बाराको फेटा गाउँपालिका–१, की राजपति देवीको घर मात्रै उडाएन । घरसँगसँगै बुहारी भित्र्याउने सपना पनि उडाइदिएको छ ।
उहाँको छोरोको आउँदो वैशाख ५ गतेका लागि बिहे तय भएको थियो । त्यसका लागि आवश्यक तयारीमा जुटेका थिए उनीहरु ।
बुहारीका लागि गरगहना जोड्ने, विवाहमा लाग्ने आवश्यक खर्च जम्मा गर्ने काम हुँदै थियो । ‘सरसापट गरेर अलिअलि तयारी गर्दै थियौँ’, उहाँले भन्नुभयो, ‘तर आइतबार राति आएको हावाहुरीले सबै उडाइदियो ।’
सरसापट गरेर बनाएको गहनादेखि नगद जम्मै उडाइदिएको उहाँले बताउनुभयो । ‘घर, लत्ताकपडा, भाडावर्तन केही पनि बाँकी छैन अब त’, उहाँले भन्नुभयो, ‘घर थियो हुरीले उडाएपछि अब त सडकमा आइपुगियो ।’
अहिले वरपर अरु छिमेकीको पीडा हेर्दा आफ्नो पीडा त कमै रहेछ भन्ने लागेको उहाँ सुनाउनुहुन्छ । ‘हाम्रो त घर मात्रै उडाएको हो, हाम्रै कतिपय छिमेकीले आफन्त गुमाउनु परेको छ’, उहाँले भन्नुभयो ।
भएको सबै उडाएपछि अब कसरी बस्ने अनि खाने भन्ने चिन्ताले राजपतिलाई सताएको छ । मर्नबाट त बचियो तर अब तय भइसकेको छोरोको बिहे सडकमै बसेर कसरी गर्ने भन्ने सोचमा राजपति र उहाँको परिवार परेको छ ।
जयनारायण यादव बाराका उज्यालो सहकर्मी हुन् ।