जथाभाबी फोहर फाल्नेबाट वीरगञ्ज महानगरले उठायो २७ लाख रुपैयाँ
चैत १६, २०८० शुक्रबार
बाँके – अख्तियार दुरुपयोग अनुसन्धान आयोगको टोलीले बाँकेमा एकजना प्राविधिकलाई सेवाग्राहीसँग घुस लिंदै गरेको अवस्थामा शुक्रबार पक्राउ गरेको छ ।
बैजनाथ गाउँपालिकाका इञ्जिनियर मजिद खाँलाई अख्तियारको टोलीले २५ हजार रुपैयाँ नगदसहित नियन्त्रणमा लिएको हो ।
बैजनाथ गाउँपालिका वडा नं. ८ मा माटो पटान तथा ग्राभेल सडक निर्माण कार्यको कार्य सम्पन्न प्रतिवेदन तयार गर्ने प्रयोजनको लागि सेवाग्राहीसँग घुस रकम माग गरेको भन्ने उजुरीको आधारमा आयोगको कार्यालय कोहलपुरबाट खटिएको टोलीले पक्राउ गरेको अख्तियारले जनाएको छ ।
खाँलाई बाँकेको कोहलपुर नगरपालिका वडा नं. ४ मदनचोकमा रहेको सार्वजनिक प्रतिक्षालयबाट घुससहित रंगेहात नियन्त्रणमा लिइएको हो ।
पक्राउ गरिएका खाँका विषयमा थप अनुसन्धान भइरहेको अख्तियारले जनाएको छ ।