दुरवाङमा गाडी पुग्दा स्थानीय खुशी

 जेठ २, २०७६ बिहिबार १२:३६:७ | उज्यालो सहकर्मी
unn.prixa.net

अर्घाखाँची – पर्यटकीय स्थल अर्घाखाँचीको खिल्जी दुरवाङमा पहिलो पटक गाडी पुगेपछि स्थानीहरु खुशी भएका छन् । दुरवाङमा गाडी पुगेपछि अर्घाखाँचीको भुमिकास्थानको खिल्जी, असुरकोटका मात्र हैन प्यूठानको ऐरावती गाउँपालिका दाङवाङका स्थानीयहरु पनि खुशी भएका छन् ।

बस सेवाको औपचारिक कार्यक्रमकाबीच भुमिकास्थान नगरपालिकाका नगर प्रमुख रेशम थापाले रिबन काटेर शुभारम्भ गर्नु भएको हो । बस सेवाको उद्घाटन गर्दै नगर प्रमुख थापाले निर्वाचनका समयमा जनतासँग गरेको बाचा अनुसार मोटरबाटो खनेर बस सेवा शुभारम्भ गरिएको बताउनुभयो ।

नगरकै विकट स्थान भनेर चिनिने दुरवाङमा स्थानीय जनताको चाहना अनुसार मोटरबाटो खन्ने कार्य सकेर बस सेवा सञ्चालन गरिएको नगर उपप्रमुख खडानन्द बेल्वासेले बताउनुभयो ।

दैनिक रुपमा एउटा गाडी आवत–जावत गर्नेगरी पश्चिम नेपाल बस व्यवसायी समितिले बस सेवा सञ्चालन गर्ने पश्चिम नेपाल बस व्यवसायी समितिका अर्घाखाँची रुट इन्चार्ज रामबहादुर बस्नेतले बताउनुभयो । 

अन्तिम अपडेट: जेठ ३, २०७६

तपाईको प्रतिक्रिया