मन्तव्य राख्ने क्रममा शिक्षकको निधन

 जेठ ६, २०७६ सोमबार १९:८:५९ | उपेन्द्र येक्तेन
unn.prixa.net

पाँचथर – पाँचथरको फिदिम नगरपालिका–१४, स्थित महादेव गुप्तेश्वर माविका शिक्षक लालबहादुर फागोको मन्तव्य राख्ने क्रममा मृत्यु भएको छ ।

सोमबार विद्यालयका शिक्षक अशोक तिम्सिनाको बिदाइ तथा नवनियुक्त शिक्षक फागोकै स्वागतका लागि आयोजित कार्यक्रममा मन्तव्य राख्ने क्रममा उहाँको मृत्यु भएको हो । कार्यक्रममा मन्तव्य राख्नेबित्तिकै शिक्षक फागो बेहोस भएर ढल्न पुगेको स्थानीय राम बाँस्कोटाले वताउनुभयो । 

अचानक बेहोस भएर ढल्न पुगेका फिदिम–११, मूलडाँडा स्थायी घर भएका ३५ वर्षीय शिक्षक फागोको केहीबेरमै मृत्यु भएको बताइएको छ । उहाँको शवलाई पोस्टमर्टमका लागि सरदरमुकाम फिदिमतर्फ ल्याइँदै गरेको फिदिम–८, तमाखेस्थित प्रहरी चौकीले जनाएको छ ।

शिक्षक फागोलाई केही दिनअघि मात्र करारमा नियुक्त गरिएको थियो ।

अन्तिम अपडेट: जेठ १७, २०७६

उपेन्द्र येक्तेन

पाँचथरका उज्यालो सहकर्मी उपेन्द्र येक्तेन इगल एफएममा पनि काम गर्नुहुन्छ । 

तपाईको प्रतिक्रिया