विप्लव समूहको बन्द : उपत्यकामा आंशिक प्रभाव

 जेठ १३, २०७६ सोमबार ९:३७:१९ | उज्यालो सहकर्मी
unn.prixa.net

काठमाण्डौ – नेत्रविक्रम चन्द विप्लव समूहले आह्रवान गरेको बन्दको उपत्यकामा आंशिक प्रभाव परेको छ । काठमाण्डौ उपत्यकामा सामान्य रुपमा नै गाडी चलिरहेका छन् । उपत्यका बाहिरका जिल्लाहरुमा भने बन्दको प्रभाव बढी परेको छ ।

उपत्यकामा बिहान कम गाडी चले पनि अहिले भने धेरै रुटमा सामान्य रुपमा नै गाडी चलिरहेका छन् । लामो दुरीका गाडी भने हिजोअस्ति जस्तो नचलेको प्रहरीले जनाएको छ । 

निजी गाडी धेरै चले पनि सार्वजनिक गाडी अन्य समयमा भन्दा कम चल्दा यात्रुलाई भने सास्ती भएको छ । सीमित मात्रामा चलेका सार्वजनिक गाडीमा कोचिएर यात्रा गर्न यात्रुहरु बाध्य भएका छन् ।

सोमबार बिहानैदेखि उपत्यकामा सवारी आवागमन केही प्रभावित भएको महानगरीय ट्राफिक प्रहरी महाशाखाले जनाएको छ । बन्दको प्रभाव उपत्यकाका शैक्षिक संस्थाहरुमा पनि परेको छ । बन्दका कारण उपत्यकाका विद्यालयसमेत बन्द भएका छन् । 

अन्तिम अपडेट: साउन २७, २०७६

तपाईको प्रतिक्रिया