पहिरोका कारण नारायणगढ-मुग्लिन सडक एकतर्फी

जेठ १९, २०७६ आइतबार १०:४३:३३ | रासस

चितवन – नारायणगढ –मुग्लिन सडकखण्ड पहिरोका कारण एकतर्फी सञ्चालनमा आएको छ । शनिबार राति आएको वर्षाका कारण दुई ठाउँमा पहिरो जाँदा सडक एकतर्फी सञ्चालनमा आएको हो ।

जिल्ला प्रहरी कार्यालय चितवनका अनुसार राति १० बजे यो सडकखण्डको जलविरे र पाँचकिलो भन्ने स्थानमा पहिरो गएको थियो ।

अहिले पहिरो पन्छाउने काम भइरहेको र अझै दुई/तीन घण्टा लाग्ने प्रहरीले जनाएको छ । यो सडकखण्ड निर्माणका क्रममा अघिल्लो वर्ष पनि पहिरोका कारण यात्रुले सास्ती बेहोर्नुपरेको थियो ।

अन्तिम अपडेट: चैत २९, २०८०

पहिरोका कारण नारायणगढ-मुग्लिन सडक एकतर्फी

तपाईको प्रतिक्रिया