आईसीसी एकदिवसीय विश्वकप क्रिकेट प्रतियोगितामा अष्ट्रेलियाले वेष्ट इण्डिजलाई २८९ रनको विजयी लक्ष्य दिएको छ ।

नटिङ्घममा वेष्ट इण्डिजसँग टस हारेर ब्याटिङको निम्तो पाएको अष्ट्रेलियाले ४९ ओभरमा सबै विकेट गुमाउँदै २८८ रन बनाएको हो ।

आजको खेलमा अष्ट्रेलियाका सुरुवाति ब्याट्सम्यान भने चल्न सकेनन् । अष्ट्रेलियाका ओपनर डेभिड वार्नर र एरोन फिन्च सस्तैमा आउट भए । वार्नर ३ रनमा आउट हुँदा फिन्च ६ रनमा आउट भए ।

अष्ट्रेलियाको इनिङलाई स्टिभ स्मिथ, एलेक्स क्यारी र नेथन कुल्टर नाइलले उकासेका थिए । स्टिम स्मिथले १०३ बलमा ७३ रन बनाए । त्यस्तै क्यारीले ५५ बलमा ४५ रन बनाउँदा नाइलले ६० बलमा ९२ रन बनाए । 

बलिङतर्फ वेष्ट इण्डिजका लागि कार्लोस ब्रेथ्वेटले ३ विकेट लिए । त्यस्तै ओसाने थोमस, शेल्डन कटरेल तथा आन्द्रे रसेलले २–२ विकेट लिए । त्यस्तै जेसन होल्डरले एक विकेट लिए ।