दिक्तेल–जयराम सडक खुल्यो

 असार २१, २०७५ बिहिवार १९:३५:१४ | उज्यालो सहकर्मी
unn.prixa.net

खोटाङ – खोटाङको दिक्तेल–जयराम सडक १७ घण्टापछि खुलेको छ ।

बुधबार राति मध्यपहाडी लोकमार्ग अन्तर्गत दिक्तेल–जयराम सडक खण्डको हलेसी तुवाचुङ नगरपालिकाको ऐतिहासिकस्थल तुवाचुङ जायजुमस्थित बर्खेटारमा पहिरो खस्दा अवरुद्ध बनेको सडक बिहीबार साँझबाट सुरु भएको हो । सडकमा थुप्रिएको पहिरो पन्छाएपछि सडक सुरु गराइएको हलेसी तुवाचुङ नगरपालिकाका मेयर इवन राईले बताउनुभयो ।

पहिरो पन्छाउन हलेसी तुवाचुङ नगरपालिका, खोटाङ बृहत खानेपानी आयोजना, मध्यपहाडी लोकमार्ग अन्तरगत हलेसी–दिक्तेल सडक कालोपत्रेका काम गरिरहेको सूर्य कन्ट्रक्सन र नागार्जुन कम्पनीको एस्काभेटरलाई दिनभर लागेको थियो ।

वर्षा याममा जिल्ला भित्रिने र बाहिरिने एक मात्र दिक्तेल–जयराम सडक बन्द हुँदा सयौं यात्रु अलपत्र परेका थिए । 

अन्तिम अपडेट: भदौ ३०, २०७५

तपाईको प्रतिक्रिया