ललितपुर महानगरले कुपण्डोलदेखि मंगलबजारसम्म साइकल लेन बनाउने

 असार १०, २०७६ मंगलबार १२:१३:४१ | उज्यालो सहकर्मी
unn.prixa.net

काठमाण्डौ – ललितपुर महानगरपालिका आफैँले कुपण्डोलदेखि मंगलबजारसम्म साइकल लेन बनाउने भएको छ । ललितपुर महानगरले कुपण्डोल–जावलाखेल–लगनखेल– मंगलबजार–पुल्चोक रुटमा साइकल लेन बनाउने  योजनासहित टेण्डर आह्वान गरेको छ ।

महानगरका अनुसार साइकल लेन बनाउन ५० लाख रुपैयाँ बजेट विनियोजन गरिएको छ । यो रकमले कुपण्डोलदेखि लगनखेल हुँदै मंगलबजारसम्म साइकल लेन बनाउने महानगरेको योजना रहेको छ । सडक विस्तार नगरी अहिले भएकै सडकको छेउमा १.२ मिटर क्षेत्रमा साइकल लेनका रुपमा रेखांकन गरिने नगरपालिकाले जनाएको छ ।

यसबाट साइकल यात्रीको सुरक्षाकासाथै वातावरण पनि स्वच्छ हुने महानगरको विश्वास छ । 

अन्तिम अपडेट: भदौ ३०, २०७६

तपाईको प्रतिक्रिया