प्रचण्ड नेतृत्वकाे सरकारलाई निरन्तरता दिन एमाले तयार छ : महास...
बैशाख ७, २०८१ शुक्रबार
बलरहरू सागर ढकाल र कुशल मल्लले शानदार प्रदर्शन गरेपछि एसीसी इस्टर्न रिजन यू १९ क्रिकेटकाे सेमिफाइनलमा साविक विजेता नेपालले मलेसियाबाट ८८ रनको विजय लक्ष्य पाएको छ ।
किनरारा ओभल मैदानमा टस हारेर पहिले ब्याटिङ गरेको घरेलु टोली मलेसियाले ४०.५ ओभरमा सबै विकेट गुमाएर ८७ रनको योगफल खडा गरेको हो ।
नेपालको शानदार बलिङ आक्रमण समूह मलेसियाका ब्याट्सम्यानहरुले सुस्त प्रदर्शन गर्न बाध्य भएका थिए । उनीहरुले लामो साझेदारी गर्न सकेनन् भने कुनै पनि ब्याट्सम्यान लामो समयसम्म क्रिजमा टिक्नै सकेनन् ।
मलेसियाका ३ खेलाडीले मात्र दोहोरो अंकको रन छुन सके । तेस्रो नम्बरमा मुहम्मद अमीरले बनाएको २४ रनै मलेसियाको पारीमा सर्वाधिक व्यक्तिगत स्कोर हो ।
वान अमिरुल ११, हइकल मोहद खइर १२ र अहमद अलिफले १० रन जोडेर आउट भए । नेपाल प्रतियोगिताको साविक विजेता हो ।
बलिङतर्फ नेपालका लागि सागर ढकालले ३ विकेट लिए । उनले १० ओभरमा ३ मेडन राख्दै १६ रन खर्चिए । ९ ओभरमा ५ मेडनसहित १३ रन खर्चेका कुशल मल्लले २ विकेट लिए । रसिद खान र तिलकराज भण्डारीले पनि एक–एक विकेट लिए ।