‘कबीर सिंह’ काे नेपाली रिमेकमा ज्योतिष हरिहर

 असार २५, २०७६ बुधबार १९:७:१४ | उज्यालो सहकर्मी
unn.prixa.net

काठमाण्डौ – युवा ज्योतिषी हरिहर अधिकारी यतिबेला आफ्नो शरीर बनाइरहेका छन् । दैनिक जिम धाइरहेका हरिहर अहिले ज्योतिषीभन्दा आफ्नो फिट्नेसलाई प्राथमिकतामा राखेर अघि बढिरहेका छन् । 

पहिलो चलचित्र 'शुभ लभ' बाट दर्शकको मन जित्न असफल भएका हरिहरलाई धेरैले हिरो बन्न नसुहाएको प्रतिक्रिया दिएका थिए । त्यही कुरालाई ध्यानमा राख्दै हरिहर अहिले यतिबेला दैनिक जिम धाइरहेका छन् भने खाने कुरामा पनि उत्तिकै ध्यान दिइरहेका छन् । 

उनी नयाँ चलचित्रको तयारीका लागि आफ्नो शरीर बनाउन लागेको बताइएको छ । अधिकारीले शाहीद कपूर अभिनित बलिउड चलचित्र ‘कबीर सिंह’ को नेपाली रिमेकमा काम गर्न लागेको चर्चा छ । 

आधिकारिकरुपमा कपि राइट्स किनेर नेपाली रिमेकमा निर्माण गर्ने तयारी भैरहेको बताइन्छ । भद्रकाली पिक्चर्सको ब्यानरमा निर्माण भएको चलचित्र अर्जुन रेड्डी सन् २०१७ मा बाहुबली २ पछि सर्वाधिक कमाइ गर्ने दक्षिण भारतीय चलचित्र बनेको थियो । 

त्यही चलचित्रबाट बलिउड चलचित्र कबीर सिंंह बनाइएको थियो । नेपाली रिमेकका लागि भद्रकाली पिक्चर्ससँग कपि राइट्स खरिद भैसकेको बताइएको छ । 
यता हरिहरले भने चलचित्रको अधिकारिक रिपोर्ट नआइसकेको बताएका छन् ।

‘अनौपचारिक रुपमा चलचित्रका विषयमा मसँग कुरा भएको हो तर औपचारिक रुपमा भने निर्माण टिमले मसँग कुरा गरेको छैन,’ हरिहरले भने कबीर सिंहले शाहिदको क्रेज मात्र उठेन पारिश्रमिक पनि बढेर ३५ करोड पुगेको भारतीय सञ्चारमाध्यमहरुले जनाएका छन् ।

'शुभ लभ' बाट अपेक्षा गरिएको सफलता हासिल गर्न असफल भएका हरिहरको क्रेजलाई यो चलचित्रले माथि उकास्ने आशा गरिएको छ । 

अन्तिम अपडेट: भदौ २४, २०७६

1 Comments

  • अबिरोध कोइराला

    July 10, 2019, 7:15 p.m.

    पहिलो चलचित्र 'शुभ लभ' बाट दर्शकको मन जित्न असफल भएका हरिहरलाई धेरैले हिरो बन्न नसुहाएको प्रतिक्रिया दिएका थिए । सबै भन्दा मन परेको लाइन

  •  0 Reply

तपाईको प्रतिक्रिया