न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
कञ्चनपुर – महाकाली नदीमा पानीको बहाब बढेको छ ।
पहाडी जिल्ला तथा चुरे क्षेत्रमा दुईदिनदेखि तीव्र रुपमा परेको वर्षाका कारण महाकाली नदीमा पानीको बहाब बढेको हो । बुधबार पछिल्लोे मापन अनुसार महाकाली नदीमा पानीको बहाब बढेर २ लाख १५ हजार १ सय १८ क्यूसेक पुगेको जिल्ला आपत्कालिन कार्य सञ्चालन केन्द्रले जनाएको छ । नदीमा पानीको बहाब बढेपछि भारतीय पक्षले महाकाली पुल (शारादा ब्यारेज) मा चारपाङ्ग्रे सवारी साधनको आवागमनमा रोक लगाएको छ ।
सामान्यतया, महाकाली नदीमा पानीको बहाबले १ लाख क्यूसेक नाघेपछि खतराको चिन्ह मान्ने गरिन्छ । भारतीय पक्षले पुलको सुरक्षाको कारण देखाउदै पानीको बहाब १ लाख क्यूसेक नाछेपछि पुलमा चारपाङ्ग्रे सवारीका साधनको आवागमनमा रोक लगाउँदै आएको छ ।
चारपांग्रे सवारी साधनको आवागमनमा रोक लगाएपछि नेपालबाट भारतका लागि छुटेका गाडी तथा नेपाल आएका भारतीय यात्रु अलपत्र परेका छन् । महाकाली नदीको बाढीको पूर्वामानका लागि दार्चुला र डडेल्धुरामा पानीको सतह मापन गर्ने गरिन्छ । जिल्ला आपत्कालिन कार्य सञ्चालन केन्द्रका अनुसार दार्चुलामा पानीको सतह सामान्य रहे पनि डडेल्धुराको परी गाँउमा भने पानीको सतहले खतराको चिन्ह नाघेको छ ।
दार्चुलामा पानीको सतह ५ मिटर ८० सेन्टिमिटर नाघे चेतावनी र ७ मिटर नाघे खतराको संकेत मानिन्छ । तर, अहिले पानीको सतह ३ मिटर ५ सेन्टिमिटर छ ।
यता, डडेल्धुराको परी गाँउमा भने पानीको सहत ६ मिटर रहेको छ । यसअघि, दिउँसो ६ मिटर १ सय ६५ सेन्टिमिटर नाघेको केन्द्रले जनाएको छ । यहाँ ६ मिटर ५० सेन्टिमिटर नाघे खतरा मान्ने गरिन्छ ।