लण्डन म्याराथन दौड प्रतियोगितामा नेपालबाट कुशल दीक्षित छनोट
बैशाख ८, २०८१ शनिबार
रोल्पा – रोल्पाको सातदोबाटो नजिकैको लेकमा नेपालकै अग्लो भ्यू–टावर बन्ने भएको छ । रोल्पा नगरपालिकाले गौरवको योजना अन्तर्गत नगरपालिकाको ३ नम्बर वडामा पर्ने सात्दोबाटो नजिकैको लेकमा नेपालकै सबैभन्दा अग्लो भ्यू–टावर बनाउन सुरु गरेको हो ।
१ सय १० फिट उचाइ रहने भ्यू टावर अबको दुई वर्ष भित्र बनाई सक्ने नगरपालिकाको योजना रहेको छ । ५ करोड बढी लगानीमा निर्माण हुने भ्यू टावरको ऊर्जा जलस्रोत तथा सिँचाइँ मन्त्री वर्षमान पुनले शिलान्यास गर्नुभएको हो ।
भ्यू टावरको शिलन्यास गर्दै मन्त्री पुनले सबैभन्दा धेरै सम्भावना बोकेको पर्यटन क्षेत्र भएकाले यस्ता पूर्वाधारले पर्यटन प्रवर्द्धन गर्ने विश्वास व्यक्त गर्नुभयो । उहाँले भन्नुभयो ‘पर्यटनमार्फत रोजगारीको श्रृजना गर्न सकिन्छ ।’
समुद्री सतहबाट करिब २३ सय मिटर उचाइमा रहेको यो लेकबाट मौसम सफा रहेको बेला धौलागिरी, अन्नपूर्ण, सिस्ने हिमाल हेर्न सकिन्छ । आउँदो २ वर्षमा निर्माण कार्य सम्पन्न गर्ने लक्ष्य राखेको नगरपालिकाले यो भ्यू टावरलाई नेपालकै अग्लो बनाउने बताएको छ ।
पर्यटन प्रवर्द्धनका लागि यसअघि नै युद्ध पर्यटन, रक गार्डेन जस्ता नयाँ अवधारणा ल्याएको रोल्पा नगरपालिकाले फेरी नेपालकै अग्लो भ्यू टावर निर्माण कार्य सुरु गरेको रोल्पा नगरपालिकाका प्रमुख पूर्ण केसीले बताउनुभयो । ‘यसले यस क्षेत्रको मात्र नभएर समग्र प्रदेश ५ र देशकै पर्यटन प्रवर्द्धनमा टेवा पुर्याउने अपेक्षा गरिएको छ ।’ प्रमुख केसीले भन्नुभयो ।
रोल्पाका पत्रकार माधवकुमार ओली उज्यालोका जिल्ला सहकर्मी हुनुहुन्छ ।