धनुषामा एक सय ५२ बोरा प्याज र ३२ थान मोबाइल बरामद
बैशाख ६, २०८१ बिहिबार
महाेत्तरी - साइकल वितरण कार्यक्रमकाे अध्यक्ष काे हुने भन्ने विषयमा विवाद हुँदा वडाध्यक्षले विद्यालयका प्रधानाध्यापकमाथि हातपात गरेका छन ।
मुख्यमन्त्री लालबाबु राउतको प्रमुख आतिथ्यमा वलवामा रहेकाे श्री मावि, बनौटामा बिहीबार आयोजित साइकल वितरण कार्यक्रममा भएकाे विवादमा वडा नम्बर ७ का अध्यक्ष विजय महताेले विद्यालयका प्रधानाध्यापक महेश झामाथि हातपात गरेका हुन् ।
घटनामा विद्यालयमा अध्ययनरत केही विद्यार्थीहरुसमेत घाइते भएका छन् । प्रधानाध्यापकमाथि हातपात गरेलगत्तै स्थानीय र विद्यार्थीहरुले वडाध्यक्ष महतोको घर घेराउ गरेका छन् । अहिले विद्यालयको अवस्था समान्य रहेको र विवाद मिलाउने प्रयास जारी रहेको महोत्तरीका प्रहरी उपरीक्षक श्यामकृष्ण अधिकारीले बताउनुभएकाे छ ।
विवादकै बीच पनि बेटी पढाउ, बेटी वचाउ अभियान अन्तरगत त्यस विद्यालयका कक्षा ८ का विद्यार्थीहरुलाई मुख्यमन्त्री लालबाबु राउतद्वारा साइकल वितरण कार्यक्रम भने सम्पन्न भएकाे थियाे ।