अक्षय कुमारको पहिलो 'डबल सेञ्चुरी' : 'मिशन मंगल'ले भारतमा २०० करोड कमायो

 भदौ २७, २०७६ शुक्रबार १९:४४:३६ | उज्यालो सहकर्मी
unn.prixa.net

अक्षय कुमारको चलचित्र 'मिशन मंगल' प्रदर्शनमा आएको चार हप्ता बितिसक्दा पनि आफ्नो दबदबा बनाइराखेको छ । 

चलचित्रले भारतमा मात्र २ सय करोड भारुमाथिको कमाइ गरेको छ । यो सँगै 'मिशन मिंगल' २ सय करोड क्लबमा प्रवेश हुने अक्षयको पहिलो चलचित्र बनेको छ । 
मिशन मंगलको सानदान कमाइले एक पटक फेरि अक्षय कुमारलाई बक्स अफिसको खेलाडी साबित गरिदिएको छ । 

ट्रेड विश्लेषक तरण आदर्शले ट्वीट गर्दै लेखेका छन्, ‘मिशन मंगलले २०० करोडको आँकडा पूरा गरेको छ । यो अक्षय कुमारको पहिलो डबल सेञ्चुरी हो । २९ औँ दिनमा २०० करोड कमाएर अक्षय कुमारले आफ्नो सबैभन्दा ठूलो हिट दिएका छन् ।’

मिशन मंगल भारतीय अन्तरिक्ष अनुसन्धान संगठन (इसरो) को मंगल अभियानको सत्य कथामा आधारित छ । चलचित्रमा अक्षयसँगै विद्या बालन, तापसी पन्नू, सोनाक्षी सिन्हा र शरमन जोशी मुख्य भूमिकामा छन् । 

‘मिशन मंगल’ १५ अगष्टमा प्रदर्शनमा आएको थियो । यसअघि स्वतन्त्रता दिवसको दिन सबैभन्दा धेरै कमाइ गर्ने सलमान खानको चलचित्र ‘एक था टाइगर’ थियो । सलमान–कटरीनाको चलचित्रको लाइफटाइम कलेक्शन १९८ दशमलव ७८ करोड थियो, जसलाई ‘मिशन मंगल’ले तोडेको छ । 

मिशन मंगलपछि अक्षय कुमारको कैँयौ चलचित्र लाइनमा छन् 

अन्तिम अपडेट: असोज १५, २०७६

तपाईको प्रतिक्रिया