अग्रिम टिकट बुकिङ आजदेखि खुला

 असोज ५, २०७६ आइतबार ८:५२:४९ | उज्यालो सहकर्मी
unn.prixa.net

काठमाण्डौ – दशैँमा काठमाण्डौ उपत्यकाबाट बाहिरिने यात्रुका लागि गाडीको टिकट बुकिङ आइतबारदेखि खुला गरिएको छ । 

आइतबार १० बजेपछि टिकट बुकिङ खुल्ने यातायात व्यवस्था विभागका महानिर्देशक गोगनबहादुर हमालले जानकारी दिनुभयो ।

कलंकी, बल्खु, नयाँ बसपार्क, पुरानो बसपार्क, कोटेश्वर, तिलगंगा, चावहिल, स्वयम्भू, सुन्धारा, नागढुंगा, भक्तपुरको जगातीलगायत ठाउँबाट अग्रिम टिकट बुकिङ गर्नसक्ने उहाँले बताउनुभयो ।

दशैँका बेला २० देखि २२ लाख यात्रुले काठमाण्डौ छोड्ने विभागको अनुमान छ । टिकट काट्न झन्झट नहोस् भनेर विभागबाट अनुगमन टोली र सादा पोशाकमा प्रहरी खटाइने महानिर्देशक हमालले बताउनुभयो ।

यस्तै, केही दिनमा काठमाण्डौका १४ ठाउँमा नागरिक सहायता कक्ष स्थापना गर्ने पनि तयारी भइरहेको छ ।

अन्तिम अपडेट: असोज २३, २०७६

1 Comments

  • Bipin sangroula

    Sept. 22, 2019, 11:08 p.m.

    I want to travel from ktm to jhapa

  •  0 Reply

तपाईको प्रतिक्रिया