सांसद हसिना खानद्वारा शपथ ग्रहण
बैशाख ७, २०८१ शुक्रबार
पाँच देशको सहभागिता रहेको टी-२० क्रिकेट सिरिजमा नेपालका करन केसीले लगातार दुई बलमा आयरल्याण्डका दुई खेलाडीलाई रन आउट गरेका छन् ।
१५औँ ओभरकाे दाेस्राे र तेस्राे बलमा आयरल्याण्डका एमआर अदायर र पल स्टर्लिङलाई रन आउट गरेका हुन् । यससँगै आयरल्याण्डकाे छैटाैँ विकेट गुमेकाे छ ।
यसअघि १५औँ ओभरकाे पाँचाै बलमा अविनाश बाेहराले आयरल्याण्डका कप्तान ग्यारी विल्सनलाई चाैथाे विकेटका रुपमा एलबीडब्ल्यू तथा १२औँ ओभरकाे तेस्राे बलमा ललित राजवंशीले आयरल्याण्डका एण्डी बालबर्निलाई र १२औँ ओभरकै चाैथाे बलमा दिपेन्द्रसिंह ऐरीले रन आउट गरेका थिए ।
यसअघि टस हारेर पहिले बलिङ गरिरहेको नेपालका लागि सन्दीप लामिछानेले खेलकाे दाेस्राे ओभरकाे चाैथाे बलमा पहिलाे विकेटका रुपमा केभिन ओ'ब्राइनलाई क्याच आउट गराएका थिए ।
ओमान क्रिकेट संघको क्रिकेट मैदानमा जारी खेलमा नेपालको टिममा दुई जना खेलाडी परिवर्तन गरेको छ । जसमा सन्दिप जोरा र इशान पाण्डे टिममा आएका छन् भने रोहित पौडेल र पवन सर्राफलाई आराम दिइएको छ ।