न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
अष्ट्रेलियामा जारी तीन टी-२० अन्तर्राष्ट्रिय क्रिकेट सिरिजकाे पहिलाे खेलमा अष्ट्रेलियाले श्रीलंकालाई १ सय ३४ रनले पराजित गरेकाे छ ।
आइतबार एडिलेडमा भएकाे खेलमा टस जितेर श्रीलंकाले बलिङ राेजेकाे थियाे ।
ब्याटिङकाे निम्ताे पाएकाे अष्ट्रेलियाले निर्धारित २० ओभरमा २ विकेट गुमाएर २३३ रनकाे विशाल याेगफल तयार पारेकाे थियाे । २३३ रनकाे विशाल याेगफल तयार गर्न डेभिड वार्नरले अविजित शतक प्रहार गरेका थिए । ५६ बलकाे सामना गरेका उनले १० चाैका र ४ छक्काकाे मदतले अविजित एक सय रन बनाएका हुन् ।
त्यस्तै एराेन फिन्च र ग्लेन म्याक्सवेलले क्रमश: ६४ र ६२ रनकाे याेगदान दिए ।
Australia record their biggest T20I win (by runs) in Adelaide!
— ICC (@ICC) October 27, 2019
They restrict Sri Lanka to 99/9 to set up a massive 134-run victory in the first #AUSvSL clash.
📝 SCORECARD: https://t.co/C0puszBAjz pic.twitter.com/0GbBjT3nEB
बलिङतर्फ श्रीलंकाका दासन शनका र सान्दकनले एक-एक विकेट लिए।
२३४ रनकाे लक्ष्य भेट्न जवाफी ब्याटिङ गरेकाे श्रीलंकाले २० ओभरमा ९ विकेट गुमाउँदै ९९ रन मात्र जाेड्न सकेपछि अष्ट्रेलिया १३४ रनले विजयी भएकाे हाे ।
श्रीलंकाका दासन शनका र कुशल परेराले क्रमश: १७ र १६ तथा ओशादा फर्नान्डाे र लासिथ मालिंगाले समान १३-१३ तथा दानुष्का गुणतिलकाले ११ रन बनाउनु बाहेका अरुले दाेहाेराे अंकमा रन बनाउन सकेनन् ।
बलिङतर्फ एडाम जाम्पाले ३, प्याट कमिन्स र मिचेल स्टार्कले समान २-२ तथा एष्टा अगरले १ विकेट लिएका थिए ।